Жаңабазар (Хорезм облысы)

Жаңабазар (өзб. Yangibozor/Янгибозор) — қала типтес елді мекен, Өзбекстанның Хорезм облысы Жаңабазар ауданының әкімшілік орталығы. Халқы: 6600 мың адам (2005).

Жаңабазар — Әмудария арналарының бірінде, Үргеніштен солтүстік-батысқа қарай 23 шақырым жерде орналасқан. Ауыл шаруашылығы өнімдері басым сатылатын жергілікті базар Жаңабазардың орталық орындарының бірі болып табылады.

Жаңабазарда мақта тазалау, кірпіш зауыттары, құрылыс компаниялары, ірі және орта бизнес, шағын кәсіпорындар, автомобиль компаниялары орналасқан. Сондай-ақ мұнда жалпы білім беретін мектеп, балалар музыка мектебі, спорт мектебі, лицейлер, кәсіптік лицейлер, аудандық орталық кітапхана және оның филиалдары, мәдениет үйі, мәдениет және демалыс саябағы, амфитеатр, стадион, мемориалдық алаң орналасқан. Орталық аурухана, емхана, перзентхана, дәріхана, халыққа қызмет көрсететін медициналық мекемелер бар. Жаңабазардан Үргеніш пен Гүрлен қаласына автобустар мен шағын автобустар қатынайды.