Жаңаталап ауылдық округі (Атырау облысы)

Уикипедия — ашық энциклопедиясынан алынған мәлімет
Jump to navigation Jump to search
Қазақстан ауылдық округі
Жаңаталап ауылдық округі
Облысы

Атырау облысы

Ауданы

Құрманғазы ауданы

Округ орталығы

Хиуаз

Енеді

4 ауыл

Тұрғыны (2009)

3693

Уақыт белдеуі

UTC+5:00

Автомобиль коды

06

Телефон коды

+771233

Пошта индексі

060404

Disambig gray.svg Басқа мағыналар үшін Жаңаталап ауылдық округі деген бетті қараңыз.

Жаңаталап ауылдық округіАтырау облысы, Құрманғазы ауданындағы әкімшілік бірлік. Құрамына Хиуаз, Үлкенкүйген, Жасарал, Шағырлы ауылдары кіреді. Орталығы – Хиуаз ауылы[1].

Тарихы[өңдеу]

Жаңаталап ауылдық округінің негізі 1920 жылы «Жасен шағырлысына» құрылған ауылдық кеңестен басталады, көп кешікпей Шешеген аралына көшіріліп, Нұржау кеңесі деп аталған. 1933-34 жылдары Дыңғызыл ауылдық кеңесінен бөлінген Қарағайлы ауылдық кеңесі Нұржау кеңесіне келіп қосылды да Зормата кеңесі деп аталды.
1962 жылы Зормата ауылдық кеңесі Дәшінге көшірілді де, Киров ауылдық кеңесі болып өзгерді. 1930 жылы Нұржауда Талап балық қабылдау-өңдеу батағасының негізінде құрылған «Қазақстан» балықшылар артелінен 1934 жылы « Жаңа талап - Коминтерин», «Жамбыл» колхоздары бөлініп шықты. 1962 жылы Киров және Зорматадағы «XX партсьезд» бірігіп Киров совхозы құрылды. Сол жылы «Киров» селолық кеңесі ұйымдасты.

Округте 30 жылдары ашылған Каганович атындағы бастауыш мектеп кейіннен 7 жылдыққа жетті. 1965 жылы Ы.Алтынсарин атындағы жалпы орта мектеп болып өзгерді. Хиуаз (Дәшін) ауылында 1959 жылдан клуб жанындағы драма үйірмесі жұмыс жасады. 1965 жылы Алматы қаласындағы республикалық театрлардың байқауында Б.Майлиннің «Шұға» пьесасын сахналап, І-ші дәрежелі дипломмен марапатталды. Конкурс қорытындысымен «Халық театры» деген атаққа ие болды.

Атырау облысы әкімдігінің 2018 жылғы 27 ақпандағы №40 қаулысы және Атырау облыстық мәслихатының 2018 жылғы 16 наурыздағы № 197- VI бірлескен шешімі негізінде Киров ауылдық округі Жаңаталап ауылдық округі болып Дәшін ауылы Хиуаз ауылы болып өзгертілді.[2]

Халқы[өңдеу]

2009 жылғы санақ бойынша округте 3693 адам тұрады[3].

Сипаттамасы[өңдеу]

Ауылдық округтегі елді мекендер:Хиуаз, Жасарал, Үлкенкүйген, Шағырлы.
Ескі елді мекендері: — Аяпберген, Ермен, Зормата, Конца, Қасиет, Қызылмұрын, Ленивый, Маймантұғыл, Мәнжік, Молотов, Мүршида-Жайық, Пертруха, Сильный, Шешен.
Өзендері: — Өлеңді өзені, Ақтөбе өзені, Шора өзені, Дархан өзені, Зормата өзені, Аққалам шүңейт, Үштамақ.
Көлдері: — Кіші Дәшін, Үлкен Дәшін көлдері, Қамал көлі.

Инфрақұрылымы[өңдеу]

Округте орта мектеп, бала-бақша, мәдениет үйі, дәрігерлік амбулатория, Дәулеткерей атындағы балалар музыка мектебі бар. Округ әкімі - Олжас Сержанұлы Тәжбаев[4].

Дереккөздер[өңдеу]

  1. "Қазақ энциклопедиясы", X том
  2. Киелі мекен, қасиетті өлке -Құрманғазы. Ағатай баспасы, Атырау-1920 ж. ISBN 978-601-7861-86-5
  3. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том
  4. Киров ауылдық округіне қарасты мемлекеттік органдар тізімі