Жаңақазан мектебі

Жаңақазан мектебі - Жаңақала ауданындағы тарихи оқу орны. 1890 ж. бұр. Новая Казанка аулындағы мешіт пен шіркеу жанынан қазақ-татар медресесі ретінде ашылған.

• 1910-16 ж. медресе қарамағында үш бастауыш мектеп жұмыс істеді. Олар: 1-Нарын мектебі; 2-Қамыс-Самар мектебі; 3-екі кластық орыс мектебі.
• 1916-17 ж. Нарын, Қамыс-Самар мектептері бірігіп, қазақ мектебі ашылды (50 оқушы).
• 1920 ж. ол орталау 7 жылдық қазақ мектебі болып ірілендірілді.
• 1934 ж. орта мектепке айналып, кейін оған С.М.Киров есімі берілді.
• 1973-74 ж. Новая Казанка а-ндағы М.Жүнісов атындағы орта мектепке қосылды. Үлгі жобамен салынған 420 орындық ғимараты бар.
• 1991 ж. бас корпус жанынан 2 қатарлы бастауыш кластар салынды, сол жылы 60 орынды жатақхана ғимараты пайдалануға берілді. Қазір мектепте 600 оқушы білім алып, 56 ұстаз жұмыс істейді. Оның ішінде 13 мүғалім бірінші, 16 ұстаз екінші категориялы мамандар. Жаңақазан мектебінен әр жылдары С.Меңдешев, Ш. Қажыгалиев, Қ.Халықов, Б.Қаражанов, I .Әбугалиев, Х.Маданов, т.б. белгілі адамдар түлеп үшқан.