Жезді ауданы
| Аудан | |
| Жезді ауданы | |
| Әкімшілігі | |
|---|---|
| Ел | |
| Кіреді | |
| Әкімшілік орталығы | |
| Тарихы мен географиясы | |
| Құрылған уақыты |
1963 |
| Таратылған уақыты |
1997 |
| Тұрғындары | |
| Тұрғыны |
20 476 адам (1989) |
Жезді ауданы — 1963-1997 жылдары Қарағанды және Жезқазған облысының құрамында болған әкімшілік-аумақтық бірлік. Орталығы — Жезді кенті.
Тарихы[өңдеу | қайнарын өңдеу]
Жезді ауданы Қарағанды облысының құрамында таратылған Жезқазған және Ұлытау аудандарының аумағында 1963 жылы 2 қаңтарда құрылған. Оның құрамына Алғабас, Жангелдин, Жетіқоңыр, Кеңгір, Киров, Кішітау, Первомай, Сарысу, Терісаққан және Ұлытау ауылдық кеңестері кірді.
1963 жылдың 10 қаңтарынан 24 тамызына дейін аудан орталығы Жезді кенті аудан құрамына кірген жоқ және Жезқазған қалалық кеңесіне бағынды.
1965 жылы аудан құрамына Жезқазған қалалық кеңесінен Ақтас және Қарсақбай кенттері берілді.
1972 жылы 10 наурызда Алғабас, Жетіқоңыр, Кеңгір және Сарысу ауылдық кеңестері Жезқазған ауданына берілді. 22 наурызда Жетіқоңыр және Сарысу ауылдық кеңестері Жезді ауданына қайтарылып, Жезқазған ауданына Кішітау, Первомай, Терісаққан және Ұлытау ауылдық кеңестері берілді.
1973 жылы 20 наурыздан бастап Жезді ауданы Жезқазған облысының құрамына кірді.
1974 жылы Қоскөл ауылдық кеңесі құрылды.
1983 жылы Мибұлақ ауылдық кеңесі құрылды, ал Жетіқоңыр ауылдық кеңесі Борсеңгір болып өзгерді.
1986 жылы ауданда 3 кенттік (Ақтас, Жезді, Қарсақпай) және 6 ауылдық кеңес (Борсеңгір, Жангелдин, Киров, Қоскөл, Мибұлақ, Сарысу) болған.[1]
1989 жылы Киров ауылдық кеңесі таратылды.
1997 жылы 3 мамырда Жезді ауданы Қарағанды облысына берілді.
1997 жылы 23 мамырда Жезді ауданы таратылып, аумағы Ұлытау ауданына өтті.
Дереккөздер[өңдеу | қайнарын өңдеу]
- ↑ Қазақ КСР. 1986 жылғы 1 қаңтарға әкімшілік-аумақтық бөлінісі