Жезқазған-Ұлытау өңірінің кен орындары (кітап)

Уикипедия — ашық энциклопедиясынан алынған мәлімет
Jump to navigation Jump to search

Жезқазған-Ұлытау өңірінің кен орындары - 1940 жылы Мәскеу-Ленинград қаласындағы КСРО Ғылым Академиясының баспасынан орыс тілінде жарық көрген кітап. Авторы - Ф.В.Чухров, бас редакторы - академик А.Е.Ферсман. Кітапта Қазақстандағы Жезқазған-Ұлытау өңірінің кен орындарының минерал, зерттеу нәтижелері баяндалған. 1936-38 жылы осы өңірде Қаныш Сәтбаевтың басшылығымен барлау жұмыстары жүргізілген болатын. Әсіресе осы кітапқа қажетті материалдарды жинап өңдеуде Жезқазған-Ұлытау өңірінде күнделікті геологиялық зерттеу жұмыстарын жүргізіп жатқан Қарсақбай комбинаты геологиялық барлау бөлімінің бастығы, бас геолог Сәтбаевтың, сондай-ақ геологтар Т.А.Кошкина, С.Ш.Сейфуллин, В.И.Штифанов пен А.В.Кузнецовтыц да көмегі көп болды.

Кітапта Сәтбаевтың Жезқазған, Ұлытау мен Атасу ауданындағы темір және марганец кен орындарындағы минералдар жайында жазылған еңбектері және ол жасаған Жезқазған-Ұлытау кенді ауданының геологиялық шолу картасы мен стратиграфиялық бағанасы, Үлкен Жезді кен орнының геологиялық сызба картасы да берілген.[1]

Дереккөздер[өңдеу]

  1. Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8