Жеке дәрі қобдишасы

Жеке дәрі қобдишасы — радиацияға, химияға, бактерияға карсы медициналық және басқа да профилактикалық құралдар. Жеке дәрі қобдишасы радиациялық заттармен, бактериялық құралдармен зақымданған кезде өзіне-өзі және жанындағыларға алғашқы көмек көрсетуге арналған. Оның ішіне препараттары бар сықпалар мен пеналдар, ауырғанды басатын дәрілері бар шприцсықпа салынған. Сынғанда, жарақат алғанда және күйіп калған кезде ауырғанды басатын дәрі жамбас қоң етіне салынады. Фосфорлы органикалық заттармен уланған жағдайда "Ғ" ұядағы препаратты пайдаланады: "химиялық қауіп" сигналы берілгенде — бір таблетканы, ал уланудың алғашкы белгілері күшейе бастаған кезде тағы да бір таблетканы қабылдау керек. Таблетканы қабылдауды 5-6 сағаттан кейін қайталау қажет.

Бактерияға қарсы қолданылатын дәрілерді жұқпалы ауру қаупі тікелей тәнген жағдайда, ол ауру пайда болған кезде, сондай-ақ жаракаттанғанда және күйгенде қабылдайды. Асқазан-ішек жолдары бұзылған жағдайда кабылданатын мөлшер нұскау бойынша белгіленеді.

• Радиациядан қорғайтын дәріні сәуле алу каупі төнген кезде 6 таблеткадан бір рет,
• сәуле алу қаупі қайталанған жағдайда 5-6 сағаттан кейін тағы да 6 таблетка ішу керек.
• Радиоактивті заттардың ішкі организмге түсуі мүмкін болған кезде йодты калий таблеткасын күн сайын бір таблеткадан 7-10 күн бойы кабылдау қажет.
• Құстырмайтын дәріні сәуле алғаннан кейін, сондай-ақ жүрек айнуы басталған кезде бір таблеткадан ішуге кеңес беріледі.
• 8 жасқа дейінгі балаларға бір ішкенде таблетканың ширек бөлігін, 8-ден 15 жасқа дейінгілерге аталған препараттардан жарты таблеткадан береді.