Желбіршек жағалы австралиялық ешкіемер

Уикипедия — ашық энциклопедиясынан алынған мәлімет
Jump to navigation Jump to search

Желбіршек жағалы австралиялық ешкіемер немесе айдаһар – қабыршақты ешкіемерлер тұқымдасының өкілі. Кесірткенің бір түрі. Дене тұрқы: ұзындығы - 20 – 25 см. Салмағы – 450 грамм. 2 – 8 жұмыртқа салады.

Желбіршек жағалы австралиялық ешкіемер Жаңа Гвинеяда, Батыс Австралияның Кимберли аймағында және Солтүстік Австралияда кездеседі.

Қабыршақтары денесіндегі ылғалдың буланып ұшып кетуінен сақтайды.

Ағаш басында тіршілік етіп, күнге қыздырынып жатады.

Желбіршек жағалы австралиялық ешкіемер жәндіктермен, өрмекшілермен, майда сүтқоректілермен, құстармен және жыландармен қоректенеді.

Бұл кесірткенің тістері адам тістері тәрізді жақ сүйекке орналасқан.

Жеке-дара тіршілік етеді. Өзі мекендейтін жерді үнемі қорғап, бөтен жәндіктерді жақындатпайды. Күндізгі уақытта белсенді тіршілік етеді.

Терісіндегі өрнектеріне қарап, қай аймақта тіршілік ететін ешкіемер екенін білуге болады. Квинсленд ешкіемері – қара және ақ жолақтары бар, сары түсті. Ал солтүстіктегі ешкіемерлердің денесінде қызғылт сары, қара, қызыл және сары секпілдері болады.

Тез қимылдап, тез қоректену үшін күнге қыздырынып, қанын жылытаы.

Австралиялық ешкіемер желбіршек жағасын тек айбат шеккенде және мауыққан кезде ғана жаяды. Басқа уақытта жағасы мойнының төңірегінде мұқият бүктеулі жатады. Жағасының диаметрі – 15 см-дей. Ол тері қатпарларынан тұрады. Жағасындағы дақтар мен жолақтар қоршаған ортаның бояуларымен үйлескен.

Қауіп төнген дұшпанына кең ашылған аузы мен жағасы арқылы айбат шегеді немесе шабуылға шығып, қарсыласын қатты тістеп, тікенекті қабыршақтары бар ұзын құйрығымен ұрып жібереді.[1]

Дереккөздер[өңдеу]

  1. Ж 27 ЖАНУАРЛАР. - Алматы: «Аруна» баспасы. - 208 бет. - Сер.: «1100 қызықты дерек».