Жергілікті жердің тактикалық қасиеті

Жергілікті жердің тактикалық қасиеті — ұрысты ұйымдастыруға және жүргізуге, ұрыста әскери техниканы қолдануға, бақылау жағдайына, атыс жүргізуге, бағдарлануға, бүркенішке, сондай-ақ өтімділікке жергілікті жердің ықпалын анықтайтын қасиеттер. Жергілікті жердің тактикалық қасиетін бағалау кезінде алдымен бедерлер мен жергілікті жер заттарының оны шолуға қаншалықты қолайлылығын немесе қаншалыкты шектейтінін анықтайды. Осыған байланысты жергілікті жер:

• ашық,
• жартылай жабық,
• жабық болып бөлінеді.

Ашық жерде табиғи бүркеніштер болмағандықтан, басшылық тұрған биіктіктерден оның барлық ауданының 75%-нан астамын көруге мүмкіндік береді, бұл ұрыс алаңын бақылауда жақсы жағдай тудырады. Сонымен қатар, ашық жер бүркеніш жасауды, тасалануды және ядролық қару мен басқа күрес құралдарының зиянды әсерлерінен жасырынуды қиындатады. Қарсыластың іс-қимылын жақсы бакылауды қамтамасыз ететіндіктен және оны барлық қару түрлерінен жақсы жою мүмкіңдігін беретіндіктен, мүндай жердің қорғаныс шебінің алдында болғаны ыңғайлы.

Барлық алаңның 50%-на дейінгі бөлігі анық көрінетін жергілікті жер жартылай жабық деп аталады.

Жабық жергілікті жер барлык алаңның 25%-на дейінгі болігін байқауға мүмкіндік береді, соңдықтан бүркеніш жасауға және қарсыластың атысынан тасалануға жақсы жағдай жасаңды, алайда ұрыс кезінде бөлімшелерді басқаруды, ұрыс алаңында бағдарлануды және үйлесімді іс-қимыл жасауды киындатады. Жергілікті жердің қозғалысты қиындататын бөгеттермен (өзендер, батпақтар, т.б.) кимыл дәрежесіне байланысты ойлықырлы, тегіс жер болып бөлінеді. Ойлықырлы жерде қозғалысты қиындататын бөгеттер барлық алаңның 20%-ын құрайды. Егер осындай бегеттер алаңның 30%-дан астамын құраса, ол жер күрт ойлы-қырлы деп аталады. Ойлы-қырлы жерлер карсыластың алғы шебіне жасырын жакындауға, торуыл ұйымдастыруға қолайлы жағдайлар жасайды, ал сайлар, топырақ үйінділері оның қорғаныштық қасиетін жоғарылатады. Сонымен қатар, ойлы-қырлы жер өз әскерлерінің, әсіресе, әскери техника мен көліктің қозғалысын қиындатады және байқалмайтын әңірлер мол болады. Алаңның 10%-на жуығы бөгеттерден түрса, ондай жер ойы-қыры аз жер деп аталады. Егер бөгеттер болмаса немесе олар 10%-дан аз болса, ондай жергілікті жер тегіс жер деп аталады.