Жердің қорғаныштық қасиеттері

Жердің қорғаныштық қасиеттері — ядролық жарылыс пен зақымдау құралдарының зиян келтіретін әсерін бәсеңсітуге, жаппай кырып жоятын қарудан әскерлер мен техниканың шығынға ұшырауын азайтуға мумкіндік туғызатын жердің корғаныштық қасиеттері. Ең жаксы корғаныштық қасиеттері бар жерлерге орманды, адырлы, дөнді, ойпатты, жыра-сайы мол жерлер жатады. Аңғарлардың, жыралы, сайлы жерлердің, ойпаттардың, шүңқырлардың, орлардың қорғаныштық қасиеттері олардың терендігіне, қатпарлы болуына, кеңдігіне және соққы толкынының бағытына көлденең орналасуына байланысты. Егер аңғарлар, жыра, сай, ойпаттар, шүңкырлар, орлар соққы толқынының бағыты бойында орналасса және олар саяз, қатпарлары аз болса, соққы толқынының зақымдау әсері азаймайды, қайта артады. Егер олар катпарлы, айналмалы болып, олардың бағытына кесе-көлденең келсе, соққы толкынының зақымдау әсері анағүрлым азаяды. Соққы толқынының зақымдау әсері тек қана адыр-бүдыры көп жерде ғана азайып қоймайды, сонымен қатар бомба копарылысынан пайда болған шүңқырлар, бомба түскен жерлер де зақымдау әсерін бәсеңдетуге себепкер болады. Осы жағдайларды ескере отырып, жердің қорғаныштық қасиеттерін орынды пайдалану әскерлердің, техниканың шығынын азайтуға және жерді соғысқа дайындаудың, инженерлік жүмыстардың көлемі мен уақытын кысқартуға мүмкіндік туғызады.