Жердің құнын бағалау

Жердің құны бағалау – түрлі мақсатта пайдаланылатын жер телімдерінің пайдалылық қасиеттерін физикалық тұрғыда және ақшалай айқындау рәсімі. 1991 жылға дейін жердің физика-химия қасиеті (ауыл шаруашылығы жерінің ықтимал құнарлылығы), орман қорлары, пайдалы қазбалар кеніштерінің барланған қорлары, техикалық параметрлер (грунттың тығыздығы, топырақ суының грунттық жатысы, тағы басқалар) бағаланды. Жерді пайдалану түрлері жүйеге түсірілді, топырақ сыныпталып тұрпатқа келтірілді, табиғаттық-климатттық, ландшафтық аймақтарға бөлінді. ҚР Жер кодексінде (2003) жер санаттары, жер үшін төлемдер айқындалды, жер телімдерін мемл. жер кадастры есебіне қою, жерді иеленушілерге жерге құқық куәліктерін беру талаптары белгіленді. ^[1]