Жетпісбай Есенжанов

Жетпісбай Есенжанов (1923, Атырау облысы). Ұлы Отан соғысына қатысқан. Атырау мұнай техникумын (1940), Мәскеу жоғары кәсіби жоғарылау мектебін бітірген. 1940-1942 жылдары - Сағыз мұнай кәсіпшілігінің геологы. 1947-1950 жылдары - Қазақстан Коммунистік партиясы Мақат аудандық комитеті өнеркәсіп пен көлік бөлімінің меңгерушісі. 1950-1957 жылдары - Қазақ мұнай өнеркәсібі жұмысшылары кәсіподағының республикалық комитетінің төрағасы. 1957-1962 жылдары - еңбекші депутаттардың Атырау қалалық кеңесі атқару комитеті төрағасының бірінші орынбасары. 1962-1968 жылдары - жергілікті өнеркәсіп облыстық басқармасының бастығы; Атырау қалалық партиялық-мемлекеттік, кейіннен халықтық бақылау комитетінің төрағасы. 1968-1973 жылдары - еңбекші депутаттардың Өзен аудандық Кеңесі атқару комитетінің төрағасы. 1973-1988 жылдары - МГӨБ бастығының орынбасары. 1988 жылдан - дербес зейнеткер. I және II дәрежелі Отан соғысы, Құрмет белгісі, үш мәрте Қызыл Жұлдыз ордендерімен және медальдармен марапатталған. Қазақ КСР Жоғарғы Кеңесінің, КСРО Мұнай өнеркәсібі министрлігінің Құрмет грамоталарымен марапатталған. Жаңаөзен қаласының құрметті азаматы. Қызметтен кеткен полковник.