Жиенбай Шарбақов

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Жиенбай Шарбақов (1 наурыз 1920 жыл, Ақтөбе облысы Мұғалжар ауданы Жаңажол поселкесі - 1 акпан 1997 жыл) — Ұлы Отан соғысы ардагері, Ленин ордені, Еңбек Қызыл Туы, бірінші дәрежелі Отан соғысы, «Қызыл жұлдыз», «Құрмет белгісі» ордендермен және көптеген медальдар

Ата–анасы жарлы шаруалар болған. Жастай әкесінен айырылып жетім болып өсті. Жиенбай 1934-1939 жылдары оқып, Темір қаласындағы педагогикалық техникумды жақсы бітіріп, туған жері «Заря Октября» колхозындағы жеті жылдық мектепте орыс тілі мен тарих пәнінен дәріс берді. 1936 жылдан 1939 жылға дейін Темір аудандық комсомол комитетінің бюро мүшесі болып сайланды.

1939 жылы Қызыл Армия қатарына шақырылып, Ленинград қаласында өз әскері қызметін бастады. 1940 жылдан 1942 жылға дейін Белорус әскері округының Бобруйск қаласында әскери автомобиль-трактор училищесінің курсанты. Оны бітірген соң сол жыл желтоқсанына дейін Нижний Тагил қаласында танкі ротасының командирының орынбасары болды.

1943 жылдың қаңтарында соғысқа Брянск майданына взвод командирі болып, әрі 1 Украин майданында, 4 Гвардия танк армиясының құрамында рота командирінің орынбасары болды. 4 Гвардиялық танк армиясы Мәскеу түбінде ерлікпен шайқасты, Сталинградқа қайта шабуыл жасады, Донбасты, Украинаның оңтүстік жағалауын, оның батыс облыстарын босатты, Берлин үшін күресті,Праганы азат етті. 1945 жылдан 1947 жылға дейін сол армия құрамында 152 дербес отрядтың бастығы болды. Міне, осы тұста кеңес оккупациялық әскери тобы Берлинде билік алды. Жиенбай Шарбақовтың үлесіне де ауыр жұмыс тиді. Бұдан кейін Австрияда, Чехославакияда, Польша мен Венгрияда болған кезде де танк бөлімшесі соғыстық қарудың құдіреттісі екенін танытты. Бұдан кейін 3 класты танкист жүргзуші–механик, запасқа шыққан офицер Жиенбай Шарбақов Жұрын жеріне 1947 жылы демобилизация болып оралды. 1949 жылға дейін Жұрындағы жеті жылдық мектептің директоры болды. Сол кезде Ақтөбедегі мұғалімдер институтын да оқып тауысқан болатын.

1949 жылдың шілде айында екі жылдан бері, мектеп директоры болып істеп жатқан Жиекенді Жұрын аудандық партия комитетіне шақыртып алып, сол комитеттің үгіт және насихат бөліміне меңгеруші етіп сайлады. Сөйтіп, Жиенбайдың партия қызметі басталды. Соғыста шыныққан, ел тірлігін егіле сағынған жас азамат партия тапсырмасын әскердегідей бұлжытпай орындауға кірісіп кетті. Жиекеңннің мұғалімдік қабілетін идеологиялық жұмыста ерекше көрінді. Кіммен сөйлесе де жүрекке жол тауып, адамдарды сеніміне ие бола бастады. 1950 жылдың тамызында Родников ауданындық партия комитетінің екінші хатшысы болып сайланды. Бұл қызметте ауыл мәдениеті, еңбеккерлердің ахуалы туралы сындарлы пікірімен көзге түсті. Конференциялар мен актив жиналыстарында сөйлеп, нақты ұсыныстар қойды.

1952 жылдың тамыз айында Жиенбайды алыс Ырғыз жеріне тыңды игеруге партия жіберіп, аудандық комитетттің екінші хатшысы болып сайланды. Онда 22 колхоз болды. Сонан кейін, 1955 жылы Ырғыз аудандық атқару комитетінің төрағасы болып тағайындалды. Егін колемі 100 мың гектарға дейін жетті. 1956 жылы Ырғыз ауданы бойыша Отанға бес млн пұт астық өткізілді Жинақтап айтсақ, Жиекең игеру жолдарында іскерлігімен көрінген басшылардың бірі болды. Ол күн-түн демей жүріп, Рессейден, Украинадан келген тың игерушілердің көңіл-күйін көтеруге, халықтардың достығын жарастыруға аянбай еңбек етті.

Жорық жылдарын бейбіт еңбекпен жалғастырған Жиенбай аға қызметте баспалдақтап өсе берді. 1959 жылғы партия сайлауында Жиекең өзінің туған ауданы Жұрынға аудандық партия партия комитетің бірінші хатшы болып сайланды. Ол бұл қызметте 1962 жылдың желтоқсан айында Жұрын ауданы тарағанша дейін істеді. Сол кезде 1960 жылы тарих мамандығы бойынша А.С.Пушкин атындағы Орал мемлекеттік педагогикалық институтын сырттай оқып бітірді. Сол жылдары аудандық партия коммитетінің бюро мүшесі және аудандық кеңестің депутаты болып сайланған. Он жыл қатарынан облыстық партия комитетінің мүшесі және облыстық кеңестің депутаты болып сайланған.

1963 жылдан 1965 жылға дейін Шалқар өндірістік басқармасының бастығының бірінші орынбасары қызметін атқарды. 1965 жылдың қаңтарынан сегіз жыл қатарынан Шалқар аудандық атқару комитетінің төрағасы болып істеді. 1973 жылдан зейнетке шыққанға дейін облыстық атқару комитетінің еңбек жөніндегі бөлім бастығы қызметін атқарды. 1 ақпан 1997 жылы Жиекең қайтыс болды.

Соғыстағы және еңбектегі ерліктері үшін Жиенбай Шарбақов Ленин ордені, Еңбек Қызыл Туы, бірінші дәрежелі Отан соғысы, «Қызыл жұлдыз», «Құрмет белгісі» ордендермен және көптеген медальдармен марапатталды.

Жиекеңнің қасында зайыбы Алуаш екеуі тату-тәтті елу жылдай оттасып тұрды. Алуаш өмір бойы халық ағарту саласында қызмет етіп, қазақ тілі мен қазақ әдебиетінен оқушыларына дәріс берген. Жиенбай мен Алуаш бірге алты бала тәрбиелеп шығарды. [1]

Дереккөздер[өңдеу]

  1. Айтпағанбетов З.С. Өткендерін ұмытқан. - Ақтөбе, 2006.