Жиенғали Жұмағалиұлы

Уикипедия — ашық энциклопедиясынан алынған мәлімет
(Жиенғали ахун бетінен бағытталды)
Навигацияға өту Іздеуге өту
Жиенғали ахун
Жиенғали Жұмағалиұлы
Туған күні

1880 (1880)

Туған жері

Ақтөбе облысы

Қайтыс болған күні

1943 (1943)

Қайтыс болған жері

Қарақалпақстан

Ғылыми аясы

Ислам

Жұмыс орны

Жұмағали ишан мешіті

Альма-матер

Құсаиния медресесі

Жиенғали Жұмағалиұлы (1880 жылы, Табын ауданы, 12-ауыл - 1943 жылы, Қарақалпақстан) - діни қайраткер, ахун, ағартушы.[1]

Өмірбаяны[өңдеу | қайнарын өңдеу]

Жиенғали ахун Жұмағалиұлы 1880 жылы Табын ауданына қарасты 12-ауылда атақты әл-Азһар университетінің түлегі Жұмағали ахунның отбасынды дүниеге келген. Жиенғали Жұмағали ахун мен Досжан хазіреттің қызы Үммагүлсімнің жалғыз ұлы. Жиенғали діни білімін Ыстанбұл қаласында бастаған. Алайда әкесі Жұмағалидің қайтыс болуына байланысты оқуын Орынбордаға Құсаиния медресесінде жалғастыруға мәжбүр болған.[2]

1940 жылы Ішкі істер халық комиссариатының (НКВД) шешімен, Ресей Кеңестік Федерациялық Социалистік Республикасының Қылмыстық кодексінің 58-бабымен айыпталып, қуғын-сүргінге ұшырайды.[3]

Қуғын-сүргінге ұшырағаннан кейін Жиенғали ахун ертеректе Қарақалпақстанға қоныс аударған туыстарын келіп паналайды. Сөйтіп 1943 жылы қайтыс болады. Денесі Әзер баба қорымына қойылған.

Жиенғали ахунның Қарақалпақстанның Нөкіс ауданында орналасқан Әзер баба қорымында бейіті

.

Жеке өмірі[өңдеу | қайнарын өңдеу]

1. Әйелі Рәзия Бекесқызы. Рәзиян Ақтөбе өңіріне белгілі Бекес қажының қызы.
2. Ғайнетдин Жиенғалиұлы - мұсылманша сауатты өз әкесінен алған, құранды жатқа білген, дәрігерлік институттың бітірген. Сталиндік репрессияның құрбаны. Ұрпақ қалмаған.
3. Зайнутдин Жиенғалиұлы - 1923 жылы дүниеге келген. Ұлы Отан соғысының ардагері. 1955 жылы Өзбекстан халық білімдендіру ісінің озаты, 1960 жылы Қарақалпақстанға еңбегі сіңген құрметті мұғалім атағы берілген. 2004 жылы Ақтөбе облысына көшіп келген. 2005 жылы 82 жасында Ақтөбе қаласында дүниеден озған. Зайнутдин Жиенғалиұлының Рақым, Рамазан, Исатай атты ұлдары және Ғалима атты қызы бар.
4. Қыздары - Әдима, Рахима, Сәлима. Қыздары қиын тағдырдың әсерінен тұрмысқа шықпаған.

Дереккөздер[өңдеу | қайнарын өңдеу]

  1. Киелі мекен
  2. Досжан хазірет Мұрағатталған 18 қазанның 2017 жылы.
  3. База данных жертв политических репрессий в СССР