Жинақылық

Уикипедия — ашық энциклопедиясынан алынған мәлімет
Jump to navigation Jump to search

Жинақылық — адамның ерік-жігер сапаларының ұнамды бір түрі. Жинақылық алдымен кісінің жеке басының, жұмыс орнының, тұрағының реттілігі мен тазалығынан көрінеді. Жинақы адам өзінің уақытын ғана емес, өзгенің де уақытын қадірлей біледі. Мұндай адам белгілі режиммен өмір сүреді. Уәдесіне берік, салақтық, жалқаулық, енжарлық, бойкүйездік секілді келеңсіз мінезден аулақ жүреді. Үйде де, түзде де өзін бір қалыпты ұстайды. Жинақы адамның эстетикалық талғамы да жоғары болады. Ол мінез-құлық мәдениетіне жетік, оны іс жүзінде үнемі орындап отыратын жайсаң жанды, өнегелі тұлға.[1]

Жинақылық — әскерлердің (күштердің) ұрыс қимылдарының алдында және барысында әр түрлі жағдайларда шапшаң жылжу (қозғалу), сондай-ақ ұрыстық ретке жайылу (жазылу) қабілеті. Әскерлер (күштер) козғалысының жылдамдығымен және олардың жазылу уақытымен сипатталады. Әскерлердің маневрі мен қайта топталуын тез жүзеге асыру мүмкіндігі факторларының бірі болып табылады. Әскерлердің (күштердің) жоғары жинакылығы олардың жауынгерлік күшін шабуылда жауды (қарсыласты) талкандау үшін және қорғаныста қарсы соққы беру кезінде тиімді пайдалануға жол береді, сонымен қатар өз шығындарын азайтуға әсерін тигізеді. Жинақылық термині кейде әскери техниканың жылжымалылығын білдіру үшін де қолданылады. Жинақылықты арттыруға (жоғарылатуға) бөлімдер мен құрамалардың құрамында танк, ЖҮМ, БТР, автомобиль санын көбейту, әскерлерді өздігінен жүретін артиллериямен жабдықтау, ұрыстық, көліктік және арнайы машиналардың өнімділігін, арттыру аркылы қол жеткізіледі. Көптеген (біркатар) шетел армияларында жинақылықты арттыру (жоғарылату) жолдарып іздестіруге үлкен мән берілген және берілуде. 1960 жылдардың басында АҚШ армиясында авиация мен тікүшақтарды ұрыс даласына жаяу әскер бөлімшелері мен бөлімдерін жылдам түсіру үшін пайдалануды қарастыратын әуе жинақылығының тұжырымдамасын әзірлеу басталды. Стратегиялық жинақылық деп әскерлерді қысқа мерзімде бір әскери қимылдар театрынан екіншісіне тасымалдау авиациясымен және теңіз флотымен түсіру мүмкіндігі айтылады.[2]


Дереккөздер:[өңдеу]

  1. Қазақ ұлттық энциклопедиясы
  2. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ , 2001 жыл