Жиілікті түрлендіргіш

Жиілікті түрлендіргіш (орыс. Преобразователь частоты). 1) Электротехникада элеткр кернеуінің (тоғының) жиілігін өзгертуге арналған құрылғы. Электрондық жиілікті түрлендіргіш вентильдік және электромагниттік болып бөлінеді. Вентильдік жиілікті түрлендіргіште вентильдер ретінде транзисторлар мен тиристорлар пайдаланады. Электромагниттік жиілікті түрлендіргіш жұмысы магниттік сызықтық емес элементтердің, мысалы, дроссельдердің немесе трансформаторлардың көмегімен айнымалы синусоидалы кернеудің пішінін өзгертуге негізделген. 2) Радиотехникада – жоғары жиілікті сигналдарға, яғни аралық жиілікке түрлендіретін супергетеродиндік радиоқабылдағыштың құрамына кіретін құрылғы. Жиілікті түрлендіргіш – гетеродластырғыш және жолақтық электр сүзгісінен тұрады. 3) Лазерлік техникада параметрлік генерация негізінде оптикалық сәулеленудің жиілігін түрлендіруге және жарықты күшейтуге арналған құрылғы.