Жиһаз жасау жабдықтары

Уикипедия — ашық энциклопедиясынан алынған мәлімет
Jump to navigation Jump to search
Bundesarchiv Bild 183-39911-0001, Berlin, Möbelfabrik, Endmontage.jpg

Жиһаз жасау жабдықтары — жиһаз жасау өндірісінде жалпы жұмыс жасалатын ағаш өңдейтін білдектермен қатар арнайыландырылған жабдықтар қолданылады. Бұған бойлай және көлденең тілетін автоматтандырылған және жартылай автоматтандырылған дөңгелей аралайтын білдектер, форматты аралайтын және пішімдейтін дөңгелей аралайтын білдектер, иетін білдектер, механикалық жоне гидропневматикалық ваймалар, бір қабатты баспақтар, сүргілейтін, жоңғылайтын білдектер, ажарлайтын білдектер, жылтырсыр материалдарды жағатын, кептіретін және әрлейтін жабдықтар жатады.[1]

  • Бұрғылау-ойғылау агрегатты білдек - жиһаз жасау өндірісінде орындықтардың сырықты тетіктерінде тесіктерді бұрғылау және ойықтарды оюға арналған агрегатты білдек. Өңделетін дайындамалардың өлшемдері: ұзындығы 310...920 мм, ені 20...100 мм, қалыңдығы 15...40 мм.
  • Біржақты тиек кесетін білдек — жиһаз жасау өндірісінде орындықтардың дөңгелетілген тиектерін жоңғылауға арналған білдек. Дайындамалардың өлшемдері: ұзындығы 250...1000 мм, ені 16...110 мм, қалыңдығы 10...60 мм.
  • Екі жақты ажарлау тізбегі — орындықтардың пішінді тетіктерінің параллельді жазықтықтарын ажарлап өңдейтін тізбек. Өңделетін дайындамалардың өлшемдері: ұзындықтары 310...920 мм, ені 30...130 мм, қалыңдықтары 15...50 мм.
  • Екіжақты тиек кесетін жартылай автомат — орындықтарды жасауға қажетті дөңгелек және сопақты ассиметриялық және көлбегей тиектерді қалыптастыруға арналған жартылай автомат. Өңделетін дайындамалардың өлшемдері: ұзындықтары 250...1150 мм, ені 20...110 мм, қалыңдықтары 10...60 мм.
  • Айналмалы үстелді жоңғылау-ажарлау білдегі — жиһаз жасау өндірісінде орындықтардың тетіктерінің қисық сызықты беттерін жоңғылап және ажарлап өңдеуге арналған білдек. Өңделетін дайындамалардың өлшемдері: ұзындығы 310...370 мм, ені 30...130 мм, қалыңдығы 15...50 мм.
  • Орындықтарды жасау үшін қолданылатын төрт жақты жоңғылау тізбегі — бұл тізбекте орындықтардың түзу сызықты сырықты тетіктерін төрт жақтан бойлай жоңғылап өңдеу жұмыстары жүргізіледі. Өңделетін дайындамалардың өлшемдері: ұзындықтары 310...1000 мм, ені 16...70 мм, қалыңдықтары 12...50 мм.
  • Орындықтардың отырғыштарын және арқалықтарын ажарлау білдегі — қисықтық радиустары 465...1300 мм келетін орындықтардың отырғыштары мен арқалықтарын бір рет ажарлауға арналған білдек.Өңделетін дайындамалардың өлшемдері: ұзындығы 370...430 мм, ені 160...395 мм, қалыңдығы 8...12 мм.
  • Орындықтардың тетіктерін ажарлау тізбегі — орындықтардың тетіктер дайындамаларын төрт жақтан ажарлап өңдеу жұмысын жасауға арналған тізбек. Өңделетін дайындамалырдың өлшемдері: ұзындықтары 310...1000 мм, ені 16...120 мм, қалыңдықтары 12...50 мм.
  • Орындықтардың тетіктерін пішінді түрде жоңғылау тізбегі — орындықтар тетіктерінің сырықты дайындамаларын қажетті өлшемді қалыңдыққа жоңғылап өңделуге арналған тізбек. Өңделетін дайындамалардың өлшемдері: ұзындығы 100...920 мм, ені 30...13 мм, қалыңдығы 19...80 мм.
  • Орындықтардың тетіктерін пішінді түрде жоңғылау тізбегі — дайындамалардың қисық сызықты жиектерін көшіргіш бойынша екі жақтан жоңғылайтын тізбек. Өңделетін дайындамалардың өлшемдері: ұзындығы 320...920 мм, ені 30...130 мм, қалыңдығы 15...50 мм.
  • Орындықтардың тетіктерінің ұштарын теңдейтін білдек — орындықтардың тетіктерін шетжақтау жұмыстарын орындауға арналған білдек. Өңделетін дайындамалардың өлшемдері: ұзындығы 250...1250 мм,ені 16...200 мм, қалыңдығы; 10...80 мм.
  • Бойлай және көлденең тілетін білдектер автоматты және жартылай автоматты түрде пішетін білдектер — жиһаз жасауда тілінді материалдарды пішуге арналған құрылғылар. Бұл құрылғыларда тақтайларды көлденең және бойлай пішу арқылы сырықты дайындамалар жасалады. Әдетте, бұл білдектер аунақпалы және таспалы конвейерлермен тізбектерге біріктіледі.
  • Игіш білдектері, механикалық және гидропнивматикалық ваймалары — жиһаз өндірісінде шомбал сүректерді қарама-қалыптарда июге желімделген қабаттарды қыздыруға арналған құрылғылар. Бұл құрылғыларда қисық пішінді долбарлап өңделген тетіктер жасалады. Дайындамалар алдын ала желім жағылған бірнеше қабат жұқа тақтайшалардан құрастырылады. Бұйымды қалыптастыру үшін 0,5 МН күшпен қысатын баспақтар қолданылады. Ию алдында сырықты және дөңгелек дайындамаларды иілемділік қасиеттерін жоғарылату үшін органикалық заттармен қанықтырылады. Иілген дайындамалар қалыптасқан пішіндерін жоғалтпауы үшін кептіріледі.
  • Пневматикалық және гидравликалық ваймалары, бір қабатты баспақтар — жиһаз жасауға қажетті иіп және желімдеп жапсырылған тетіктерді жасау үшін қолданылатын құрылғылар. Бұл жабдықтарда баспақ қалыптарда ию мен желімдеп жапсыру процестері бірге жүргізіледі де желімделген қабаттар қыздырылады. Қыздыру жоғары жиілі және түйіспелі түрде жүргізіледі.
  • Форматты пішетін дөңгелек аралы білдектер мен автоматтандырылған тізбектер — жиһаздар жасауда тақталы және табақты ағаш материалдарын пішуге арналған білдектер мен автоматтандырылған тізбектер. Пішетін тақталардың ең үлкен өлшемдері : 1) Қапталмаған тақталар — ұзындықтары 3750 мм, ендері 1850 мм, дестелердің биіктіктері 60 ... 112 мм; 2) Қапталған тақталар — ұзындықтары 350...2000 мм, ендері 270...900 мм, дестелердің биіктіктері 8...40 мм.


Дереккөздер[өңдеу]

  1. Полиграфия, өлшеу техникасы, ағаш өңдеу жабдыктары және металл өңдеу техникасы мен технологиясы: Қазақша-орысша терминдердің түсіндірме сөздігі.