Жоба:Инкубатор/Гравитациялық төбе

Уикипедия — ашық энциклопедиясынан алынған мәлімет
Навигацияға өту Іздеуге өту
Су Нью-Брансуиктегі магнитті төбесінде тауға шығатын сияқты көрінеді
Гравитациялық төбе, Нью-Брансуик, Канада

Гравитациялық төбе - бұл рельефтің ерекшеліктеріне байланысты сәл көлбеу көтерілу сияқты көрінетін оптикалық елес.[1] Осылайша, жолда қалған автомобиль ауырлық күшіне, гравитацияға қарсы көтеріліп жатқан сияқты көрінеді.[2] Бүкіл әлемде жүздеген танымал гравитациялық төбелер бар. Құбылыс "гипнозды төбе", "магниттік төбе", "гравитациялық жол" және т.б. сияқты белгілі. Велоспортта мұндай жолдар "жалған жазықтар" деп аталады.

Елес құрудың ең маңызды факторы-көкжиектің толықтай немесе жартылай көрінбеуі. Көкжиек болмаса, жердің қаншалықты көлбеу қисайғаны туралы пікір құру өте қиын болады. Әдетте, ағаштар секілді жерге шамамен перпендикулярлы орналасқан объекттер гравитациялық төбелерде қисайып, визуалды факторды өтей алады.[3] Көптеген адамдарға осы елес "Эймс бөлмесін" еске түсіртеді, онда доптар "ауырлық күшіне қарсы" айнала алады.

Нәтижесінде, сіз жер бетінде жай қалдырған затыңыздың барлығы - резеңке доп, су ағыны немесе 4000 фунт көлік болсын - ауырлық ағынымен күресіп, жоғары қарай жүретін сияқты көрінеді. Бұл заттарды алып жүретін елестер немесе табиғаттан тыс күштер туралы ой қызықты болса да, ең алдымен, көзіңіздің алдында тұрғаны опткалық елес екенін ұмытпау қажет.

Кейбір гравитациялық төбелер тек оптикалық иллюзиялар ғана емес, сонымен бірге табиғаттан тыс белсенді күштерге байланысты болып саналады. Көбісі тек жергілікті мифтер мен аңыздарға айналған. Алайда, оларға сенетіндер де жетерлік.

Келушілер осындай аймақтарда көптеп жиналып, сиқырлы “антигравитациялық” күштерді өздерінің көздерімен көріп, бастан кешіру үшін тіпті ақы төлеуге дайын екен.

Қарама-қарсы құбылыс—тегіс болып көрінетін тауға апаратын жол-велосипед жарыстарында "жалған жазық" ретінде белгілі.[4]

Сілтемелер

[қайнарын өңдеу]