Жоба:Инкубатор/Қадан Бекенұлы
Қадан Бекенұлы – Ұлы Отан соғысының ардагері, 1924 жылы 17-ші қазанда, Ақмола облысының Астрахань ауданында, Жарсуат ауылында дүниеге келген. Балалық шағы ашаршылық кезеңіне тұспа-тұс келіп,1932-1937 жылдары интернатта тәрбиеленеді. Интернаттан оралған сәтте жас жігіттің отбасымен кездесу туралы арманы орындалмай қалады. Себебі, соғыс басталып, әкесі мен ағалары соғысқа аттанып кетеді. Содан кейін, Қаден Бекенұлы бірнеше жыл бойы колхозда жұмыс істейді. 1942 жылы Алматы қаласындағы училищеге түседі. 1943 жылы жаяу әскер училищесін бітірген тұста Батыс майданға жіберіліп, қолбасшы - маршал Жуковтың қарамағындағы 30-шы дивизия құрамында жаумен шайқасады. Ресей, Украина, Молдава, Беларусь, Польша жерлерін жаудан азат етуге ат салысады. Майдангерлер 1943 жылдың 17-ші қаңтарында Варшава жерін жау қолынан босату барысында оған снаряд тиіп, қатты жарақаттанады. Алайда, 25 күн ем қабылдап, қайтадан соғысқа аттанады. 1945 жылы, 25-ші сәуір күні Берлинге кіреді. Кейіннен, Берлиннен 2500 сарбазды бастап, Белорусияны азат етуге бағытталған ұрысқа қатысып, ерекше өжеттілігімен көзге түсіп, командир дәрежесіне ие болады.Осылайша, жауынгер 1948 жылға дейін Берлинде әскери қызмет атқарады. Оның жоғары деңгейде көрсетілген батылдығы және сіңірген еңбегі үшін арнайы марапат және "Қызыл орден" табысталады.
Бейбіт өмірге қол жеткізген тұста елге оралып, отбасын құрып, жары екеуі 7 баланы дүниеге әкеледі. Жары Бекенова Зеремен отауласқанына биыл 67 жыл толды. 24 жыл бойы Ақмола облысының Астрахань ауданында участкілік милиция инспекторы болып қызмет атқарады. Ал 1972 жылы милиция майоры болып, зейнетке шығады. 2007 жылы ұлы жеңістің 62 жылдығына орай Ақордада өткен марапаттау рәсімінде елбасымыздың қолынан орден табысталады. 2015 жылы жеңістің 70 жылдығына орай түсірілген "Наша война" атты фильмде рөл сомдаған. Қадан Бекенұлы Астана қаласында өткізілетін патриоттық тәрбие сағаттарына белсене қатысып, салауатты өмір салтын ұстанады. Қазіргі күні аяулы жар, мейірімді ата, қамқор әке атанып, немерелері мен шөберелерінің жанында бақытты өмір кешуде