Жойғыш авиация

АҚШ әскери әуе-күштерінің F-16 жойғыштарының эскадрильясі

Жойғыш авиация — қарсыластың әуедегі басқарылатын және басқарылмайтын ұшқыш аппараттарын жоюға арналған әскери авиацияның түрі. Сондай-ак жер үсті (су үсті) нысаналарын жоюда және әуе барлауын жүргізуде пайдаланылады. Әскери-әуе күштерінің, Әскери-теңіз флоты мен шеқаралық әуе қорғанысы әскерлерінің құрамына кіреді.

• Қазіргі заманғы жойғыш авиацияның жылдамдығы сағатына 2700 км-ге дейіи, ұшу биіктігі 30 км-ге дейін жетеді. Экипажы бір адам, қаружарағы: басқарылатын авиациялық ракеталар, авиациялық бомбалар, автоматты зеңбіректер.
• Жойғыш авиацияның міндеттері:
  • қарсыластың авиациясын жою және әуедегі үстемдікті жеңіп алу, әскер мен авиацияның басқа түрлерін, майдан тылындағы объектілерді қорғау, сондайақ әуе барлауын жүргізу.
  • Аталған міндеттерді орындауда ол әуе соғыстары мен аэродромдарда қарсыластың авиациясын жояды;
  • авиациясын таса әскерлерге жібермейді;
  • оны аэродромдарда қоршауға алады;
  • авиацияныц басқа да түрлеріндегі бөлімдер мен құрамаларға ілесе жүреді (қорғайды);
  • қарсылас авиациясының тактикалық және оперативтік тереңдіктегі әскерлер мен басқа да объектілерге жасаған шабуылын тойтарады;
  • әуені және теңіз десанттарын қорғайды.
• Соғыс қимылдарын авиацияньщ басқа да түрлеріндегі бөлімдер және құрамалармен, жаяу әскермен, теңіз күштерімен бірлесіп жүргізеді. Жойғыш авиация 1914-1918 жылдары, Бірінші дүниежүзілік соғыста пайда болды. Сол кезде соғысушы мемлекеттердің армияларында арнайы жойғыш ұшақтар шығарылды. Олар бомбалаушы және барлаушы ұшақтармен (айырмашылығы) салыстырғанда жоғары жылдамдықтарымен және маневрлік сипаттамаларымен ерекшелінетін, қару құрамында пулеметтері болатын және қарсыластың әуедегі нысаналарын жоюға пайдаланылды.