Жыланды калий тұз кен орны
Жыланды калий тұз кен орны - Ақтөбе облысы Ақтөбе қаласынан солтүістік-шығысқа қарай 9 км жерде орналасқан.
Геологиялық құрылымы[өңдеу | қайнарын өңдеу]
Кен орны тұз тектоникасы әсерінен пайда болып, бойлық бағытта созылған екінші реттегі антиклиналь қатпарларда шоғырланған. Осы антиклинальдың ядросын құрайтын төменгі пермьнің, кунгур ярусының құнарлы тұзды қабаты полигалитті калий тұздарынан, сильвинит пен сильвинит-карналлиттен тұрады.
Жатыс сипаты[өңдеу | қайнарын өңдеу]
235-700 м тереңдікте жатқан, батыс пен шығысқа қарай 30-60° бұрышпен құлайтын, ені 250-1000 м-дей полигалиттік калий тұздарының қабаты 10-18 км-ге созылған. Жалпы қалыңдығы 15 м-ден 200 м-ге дейін жететін бір-бірінен тас тұзы қабатшалары арқылы бөлінген полигалитті калий тұздары жоғарғы (35 м), ортаңғы (23 м), төменгі (25 м) болып үш қабатқа бөлінеді. Кен денелері линза пішіндес.
Құрамы[өңдеу | қайнарын өңдеу]
Кен құрайтын полигалитті жыныстар көбіне полигалит (65%) пен галиттен (27%), сильвинитті жыныстары галит (61%), сильвиннен (31%) тұрады. Қоспалары ангидрит, карналлит, кизерит. Кен орнының тау-кен геологиялық жағдайы өте күрделі болғандықтан, тек жер асты әдісімен өндіруге болады. Кен орны уақытша пайдаланылмайды. [1]
Дереккөздер[өңдеу | қайнарын өңдеу]
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |