Жылтырауықтар

Уикипедия — ашық энциклопедиясынан алынған мәлімет
Jump to navigation Jump to search

ЖЫЛТЫРАУЫҚТАР

  • 1) жеке ұялы есекаралардың (Сhrysіdoіdea) хризидидтер (Chrysididae) және клептидтер (Сleptіdae) тұқымдастары тобы. Бұлардың дене тұрқы 5 – 15 мм, денесі көк немесе күлгін аралас жасыл түсті, металл тәрізді жылтырайды. Ұзынша келген құрсақ сегменттерінің шеткі буындары бір-біріне сұғына еніп, түпкі буындарының ішіне кіріп тұрады. Жер шарында кең таралған 2 мыңнан астам түрі бар. Негізінен жылы аймақтарда тіршілік етеді. Клептидтер – қиғы пілләсінің эктопаразиттері болса, ал хризидидтер көбелек жұлдызқұрттары пілләсінің ішінде паразиттік тіршілік етеді, негізінен, жеке ұялы есекаралар дернәсілінің паразиті болып есептеледі;
  • 2) қорек талғамайтындар отряд тармағына жататын қоңыздар (Nitidulidae) тұқымдасы. Дене тұрқы 1 – 6 мм, томпақ, жылтырап тұрады. Жер шарында көп таралған 2 мыңдай түрі белгілі. Гүлжегілері (Мelіgethes) туысының өкілдері еріндігүлділер мен орамжапырақ тұқымдасына жататын өсімдіктердің гүлдері мен түйіндерінде өсіп дамиды. Сarpophіlus туысына жататын қоңыздар қураған өсімдік қалдықтарымен қоректенеді. Кейбір түрлері саңырауқұлақтар мен өлекселерге жабысып тіршілік етеді. Сryptarchіnae туысына жататындар – қабық жегіш қоңыздың, ұзынтұмсық қоңыздың, сондай-ақ бітелер мен кокцидиялардың дернәсілін жояды.

Дереккөздер[өңдеу]

"Қазақ Энциклопедиясы"