Жылқыбай Нұрбеков

Уикипедия — ашық энциклопедиясынан алынған мәлімет
Jump to navigation Jump to search
282-300-35.png

Жылқыбай Нұрбеков (1920-1948) - Жезқазған облысы, Шет ауданына қарасты «Нұра — Талды» кең-шарында туған. Жастайынан әкесінен жетім қалған Жылқыбай шешесінің тәрбиесінде болады. Арғын тайпасы, Қаракесек руының Қояншы-тағай бұтағынан шыққан.

Бастауыш, орта білім алып, 1938 — 1940 жылдары Қарағанды мемлекеттік оқытушылар институтының қазақ тілі және әдебиеті факультетінде оқиды. 1940— 1944 жылдары Шет ауданы мектептерінде ұстаздық еткен. 1945 жылы «Қарағанды» газетінде әдеби қызметкер, кейін бөлім меңгерушісі болып қызмет істейді. 1947 жылы қазан айында Алматы қаласында өткен Қазақстан жас ақын-жазушыларының бірінші республикалық кеңесіне қатысады. Шығармалары кезінде республикалық, облыстық баспасөз беттерінде жиі жарияланып тұрды. Өлеңдері «Жастар даусы» жинағына (1949) енген.[1][2][3]

Дереккөздер[өңдеу | қайнарын өңдеу]

  1. Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6
  2. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл
  3. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5