Жыңғылды (Маңғыстау облысы)
| Ауыл | |
| Жыңғылды | |
| Әкімшілігі | |
|---|---|
| Ел | |
| Статусы |
Ауылдық округ орталығы |
| Облысы | |
| Ауданы | |
| Ауылдық округі | |
| Тарихы мен географиясы | |
| Координаттары |
44°11′50″ с. е. 51°42′04″ ш. б. / 44.19722° с. е. 51.70111° ш. б. (G) (O) (Я)Координаттар: 44°11′50″ с. е. 51°42′04″ ш. б. / 44.19722° с. е. 51.70111° ш. б. (G) (O) (Я) |
| Құрылған уақыты |
1930 |
| Бұрынғы атаулары |
Куйбышев, Қаракөл |
| Орталығының биiктігі |
130 м |
| Уақыт белдеуі | |
| Тұрғындары | |
| Тұрғыны |
2278 адам (2009) |
| Этнохороним |
Жыңғылдылық, Жыңғылдылықтар |
| Сандық идентификаторлары | |
| Пошта индексі |
130403 |
| Автомобиль коды |
12 (R) |
Басқа мағыналар үшін Жыңғылды деген бетті қараңыз.
Жыңғылды — Маңғыстау облысы Маңғыстау ауданындағы ауыл, Жыңғылды ауылдық округі орталығы.
Географиялық орны[өңдеу | қайнарын өңдеу]
Аудан орталығы – Шетпе ауылынан солтүстік-батысқа қарай 45 км жерде, Қаратау жотасының оңтүстік-батыс баурайының жыңғыл мен жусан аралас астық тұқымдас әр түрлі шөптер өскен сұр топырақты шөл белдемінде орналасқан[1].
Халқы[өңдеу | қайнарын өңдеу]
1999 жылы тұрғындар саны 1939 адам (979 ер адам және 960 әйел адам) болса, 2009 жылы 2278 адамды (1190 ер адам және 1088 әйел адам) құрады.[2]
Тарихы[өңдеу | қайнарын өңдеу]
Іргесі 1930 жылы ауыл шаруашылығын ұжымдастыруға байланысты "Куйбышев" атындағы ұжымшар ретінде қаланды. 1969 жылдан қаракөл қойы кеңшары мен ауылдық кеңестің орталығы болды, 1995 жылдан кеңшар негізінде шаруа (фермер) қожалықтары құрылды.
Тұлғалары[өңдеу | қайнарын өңдеу]
Жыңғылдыдан:Есір Айшуақұлы, Айтуған Тайұлы, Елбай Қосымбайұлы, Абыл Тарақұлы, Атанғұл Сүйесінұлы, Шамғұл Ыбырайымұлы, ақын-жыраулар және шешендер: Сам, Құлыш, Қожық, Жаман, Нұрнияз, Алхам, Алшын және т.б. туып өскен.
Ауыл шаруашылығы[өңдеу | қайнарын өңдеу]
Ауыл бойында 70 шаруа қожалығы тіркеліп, оның 51-і тұрақты жұмыс істейді. Ауылда 2012 жылы шаруа қожалықтары мен жеке қожалықтарда мал басы саны өскен. Атап айтқанда, қой-ешкі 34500-тен 35035 басқа, жылқы 2400-ден 2472 басқа, түйе 1600-ден 1648 басқа өскен. 2012 жылға қарай 15 шаруа қожалықтары 98 гектар жерге бақша дақылдарын өсірген. Сай-Өтес – Бозащы су құбырының бір тармағынан тұщы су келеді.
Инфрақұрылымы[өңдеу | қайнарын өңдеу]
Ауылда 2 мектеп жұмыс жасауда. 2 мектепте 2012-2013 оқу жылында 592 оқушы білім алуда. 2013 жылы С.Нұрниязұлы атындағы мектеп – интернатының 250 балалық оқу корпусы және Есір Айшуақұлы атындағы орта мектепке «Маңғыстаумұнайгаз» АҚ-ның демеушілігімен жаңа газон төсеніші бар спорт алаңы салынды. 2012 жылы ауылдық аурухана жабылып, дәрігерлік амбулатория болып жасақталды. Бұдан басқа ауылда 1 дәріхана жұмыс істеуде.
Дереккөздер[өңдеу | қайнарын өңдеу]
- ↑ «Маңғыстау» энциклопедиясы, Алматы, 1997
- ↑ 2009 жылғы Қазақстан Республикасы халқының Ұлттық санағының қорытындылары. Астана 2011. 1 том
| ||||||