Жүрекқап

Жүрекқап (ұлпершек) (лат. pericardium) — жүректі сыртынан қаптап, оның бірқалыпты қызметін қамтамасыз ететін сыртқы сірлі қабық туындысы. Жүрекқап өз кезегінде үш қабаттан тұрады. Оның сыртқы қабаты - көкірекортасының сірлі қабығы (көкірекортасының плеврасы). Жүрекқаптың негізін, яғни оның ортаңғы қабатын көкірекіштік шандырдың жүрек түсындағы бөлігі - талшықты (фиброзды) қабат құрайды. Ұлпершектің ішкі бетін жүрекқаптың сірлі қабығының сыртқы қабырғалық (париетальды) жапырақшасы астарлайды. Жүрекқаптың ішкі сірлі қабаты жүректің табаны арқылы, оның сыртқы бетіне өтіп, жүректің сыртқы қабығы — эпикардты (жүрекқап сірлі қабығының висцеральды жапырақшасы) құрайды. Жүрек пен жүрекқаптың аралығындағы қуысты перикард қуысы деп атайды. Бұл қуыста жүрек пен жүрекқаптың беттерін сылап тұратын аздаған сірлі сұйық болады.