Жұлдыздарға жол (мақала)

Жұлдыздарға жол – Қаныш Сәтбаевтың шағын мақаласы. 1963 жылы 16-маусымда «Социалдық Қазақстан» (№141) газетінде жарияланған. Сол жылы ғарыш бортындағы ғарышкерлер бар «Восток-5» ғарыш кемесі жер серігінің орбитасына шығарылды Сәтбаев ғарышты зерттеу осы замандағы ғылымда тартымды мәселе екенін, мұнын өзі қазіргі ғылымның барлық құрал-жетістіктерін пайдалану арқылы ғана шешім табатынын айта келіп, теориялық астрофизиканың жоғары дәрежеде дамуы мен жасанды жер серіктеріне, ғарыш кемелеріне «автоматты планетааралық станцияларға байланысты бұрын болып көрмеген эксперименталды мүмкіндіктерді пайдалануды талап етеді» - деп жазды.

Алматы астрономдары Жердің жасанды серіктерінің қозғалысына фотографиялық бақылаулар жүргізіп отырған; ал бақылау нәтижелері тиісті өңдеулерден өткен соң жасанды жер серіктерінің траекториясын нақты анықтауы мүмкіндік туғызады. Сәтбаев республика ғалымдары телескоп жәрдемімен, яғни спектограммен алынған мәліметтерді зерттеу арқылы Марс секілді планетаның жұмбақ сырларын ашуға мүмкіндік беретініне сенім білдіруде екенін айтады. Қазақстан Ғылым Академиясының Астрофизикалық институтты кейбір жұлдыздардың үздіксіз спектрлеріне энергияны орналастыру мәселесін зерттеген. Соның нәтижесінде 16 жұлдызды қамтыған абсолютті энергетикалық өлшемдерде энергияның спектралдық орналастырудың каталогы жасалды. Ғалым мақаласын «Қазақстан талымдары космос «райын» барлаумен бірге космос сәулелерінің асқан энергиясының түрлі атом бөлшектерін ядролық ыдыратуын зерттейді» - деп түйіндейді.