Жұлдыз Әбділдә

Жұлдыз Әбділдә – қазақтың бетке ұстар жас журналист қыздарының бірі. Жасының кішілігіне қарамастан қазақ журналистикасынан ойып орын алып үлгерген, қайсарлығымен қазақ журналистикасының мәртебесін биіктетуге тырысып жүрген Жұлдыз 1979 жылы 24 желтоқсанда дүниеге келген.

Ол әл-Фараби атындағы Қазақ Ұлттық Университетінің журналистика факультетін 2000 жылы тәмамдайды. Ал 2002 жылы аталған университеттің магистрі атанады. 1997-99 жж «Қазақ Университеті» журналында тілші, 2001-2002 жж. «Түркістан» газетінде тілші, 2002 жылы «Жас Алаш» газетінде жауапты хатшы, сондай-ақ «Алқа» журналында бас редактор және Қазақстан Ұлттық телеарнасының штаттан тыс редакторы қызметтерін атқарады.

Ол Қазақстан журналистер одағы сыйлығының лауреаты атанып, «Сорос-Қазақстан» қоры грантына ие болды.