Жұмабайұлы Әкуан
Жұмабайұлы Әкуан (1912-1990жж).
Жұмабайұлы Әкуан 1912 жылы Жұмайбайдың тұғыш баласы болып дүниеге келген. Балалық шағы әке-шешесінің қасында өтеді. 1930 жылы әскери борышын өтеуге аттанады. Барған жерінде әскери білімін жетілдіріп қатардағы жауынгерден офицер шеніне дейін көтеріліп, Хобда горнизонында командир болып қызмет атқарған. 1941-1945 жылдары Ұлы Отан соғысына Жапондармен болған соғысқа қатысып “Жеңіс” орденімен марапатталады.
Соғыс аяқталған соң Дорноговь аймағындағы Зүүнбаян қаласындағы мұнай өндіру кенішіне жұмысқа орналасып, қызметін аброймен атқарып, 1954-1955 жылдары осы өлкеден Моңғолияның Ұлы Құрылтайына (парламент) депутат болып сайланған. Бұл Баян-Өлгий аймағынан тысқары жерден Ұлы құрылтайға депутат болған тұңғыш қазақ азаматы. 1956 жылы денсаулығына байланысты жұмыстан шығып, туған жеріне оралады. Онда 5-6 жыл болып, Хобда аймағына қоныс аударып, өмірінің соңына дейін мекен етті. 1985 жылы Моңғолия Жоғары әскери қолбасшысының бұйрығымен “Соғыс ардагері” атағы берілді.
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|