Жұмыртқажегілер

Уикипедия — ашық энциклопедиясынан алынған мәлімет
Jump to navigation Jump to search
Жұмыртқажегілер
Pteromalus puparum
Ғылыми топтастыруы
Дүниесі: Жануарлар
Жамағаты: Буынаяқтылар
Табы: Жәндіктер
Сабы: Жарғақ қанаттылар

See text.

Жұмыртқажегілер  — жарғақ қанаттылар отрядына жататын паразиттік жәндіктер. Бұлар негізінен хальцидтер (лат. Chalcіdoіdea) мен проктотрупоидтер (лат. Proctotrupoіdea) тұқымдастарына жатады.

Денесінің ұзындығы 1 мм-ден аспайды. Дернәсілдері басқа жәндіктердің жұмыртқасының ішінде өсіп жетіледі. Бір жұмыртқаның ішінде бір не бірнеше дернәсіл болуы мүмкін. Олар 2 – 4 жұмада өсіп-жетіліп, жылына бірнеше ұрпақ береді. Дернәсілдер жұмыртқаның дамып жетілуіне кедергі жасап отырады. Жұмыртқажегілердің кейбір түрлерінің дернәсілдері қозғалмай жатып та өсіп жетіледі. Жұмыртқажегілердің кейбір түрі (трихограмма, теленомустар) зиянкес жәндіктермен биологиялық жолмен күрес жүргізу үшін пайдаланылады. Сондай-ақ Жұмыртқажегілердің қатарына жарғаққанаттылардан басқа энтомофагтар (жәндіктермен қоректенетін организмдер) мен өрмекшілердің пілләларын және шегіртке күбіршектерін залалдайтындар да жатады. Сондықтан да Жұмыртқажегілердің табиғатта маңызы зор.[1]

Дереккөздер[өңдеу]

  1. "Қазақ Энциклопедиясы"