Жұпарағаштар

Уикипедия — ашық энциклопедиясынан алынған мәлімет
(Жұпарағаш бетінен бағытталды)
Навигацияға өту Іздеуге өту
Жұпарағаш

Жұпарағаштар (лат. Myrіstісa) – Myristicaceae тұқымдасының дара жынысты, қос үйлі міңгі жасыл ағаштар туысы.

Тропиктік аймақта (Үндістанның оңтүстігі, Малай архипелагы, Полинезия аралдары) өсетін 100 – 120-дай түрі белгілі. Биіктігі 6 – 18 м-дей, сабағы көп бұтақты болады. Жапырағы етжеңді, ұсақ ақ түсті, гүлі хош иісті келеді. Жемісі шырынды, сары түсті, ені 3 – 7 см, пішіні шабдалыға ұқсайды. Тұқымының қабығы қатты, хош иісті. Жұпарағаш 60 – 80 жылдай жеміс береді, бір ағаштан жылына 1500 – 2000 дана жеміс жиналады. Жұпарағаш медицинада және парфюмерия өнеркәсібінде пайдаланылатын эфир майын алу үшін, сондай-ақ, дәм-татымдық өсімдік ретінде өсіріледі. [1]

Сілтеме[өңдеу | қайнарын өңдеу]

  1. Қазақ энциклопедиясы, 4 том;