Жәнібек кәсіптік мектеп

Уикипедия — ашық энциклопедиясынан алынған мәлімет
Навигацияға өту Іздеуге өту

Жәнібек кәсіптік мектеп (N 9) - Жәнібек атындағы кәсіптік білім беретін оқу орны. 1934 ж. Батыс Қазақстан облысы Жәнібек ауданы МТС жанынан ашылған. 1935 ж. механизатор мамандар даярлайтын мектепке айналды. 1941 ж. мектеп Тасқала ауданының «Главный» селосына көшірілді, бірақ жергілікті МТС жанындағы механизаторлар курсы жұмысын жалғастыра берді. 1952 ж. Жәнібек орта кәсіптік-техниклық мектебі 32-Орал училещесінен бөлініп шығып, «9-Жәнібек орта кәсіптік-техникалық мектебі» деп аталады. Онда облыстың Казталов, Жаңақала, Бөкей ордасы аудандарынан, Молдавия, Чувашия және т.б. республикалардан оқушылар келіл оқыды. 1984 ж. кең профилді тракторшы-машинашы, слесарь курстары ашылуына байланысты мектепке «кәсіптік-техникалық училище» статусы берілді. 1991 ж. ол «Жәнібек совхоз-училищесі» деп аталды. Қазір Жәнібек кәсіптік мектепінде фермер-механизатор, коммерц.қызмет үйымдастырушысы, бухгалтер-кәсіпкер, аспаз, халықтың қолөнер мамандықтары бойынша кадрлар даярланады. Мектеп оқытушылары ауданы және облысы мәдени-әлеуметтік шараларға белсене қатысады, облыс орталығында өткен патриоттық әндер конкурсында 3-орын иеленді.[1]

Дереккөздер[өңдеу | қайнарын өңдеу]

  1. Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8