Задария қорықшасы
| Задария қорықшасы | |
| Жалпы мағлұмат | |
|---|---|
| Ауданы | 8400 га |
| Орналасуы | |
| 42°14′46″ с. е. 68°54′39″ ш. б. / 42.24618319° с. е. 68.9109678° ш. б. (G) (O) (Я)Координаттар: 42°14′46″ с. е. 68°54′39″ ш. б. / 42.24618319° с. е. 68.9109678° ш. б. (G) (O) (Я) | |
| Ел |  Қазақстан |
| Аймақ | Түркістан облысы |
| Аудан | Арыс қалалық әкімдігі |
Задария – мемлекеттік табиғи ботаникалық қорықша. Қорықша Сырдария өзенінің ежелгі аңғарына жататын, жалпы ауданы 8400 га жоталы жазықта орналасқан. Мақсаты – дәрмене өсімдігін сақтау.
Географиялық орны[өңдеу | қайнарын өңдеу]
Түркістан облысы Арыс қалалық әкімдігі аумағында орналасқан.
Флорасы[өңдеу | қайнарын өңдеу]
Өсімдік жамылғысы біртекті жусанды-қарағайлы, олардың арасында айтарлықтай аумақты табиғи жусан шоқтары алып жатыр. Қазақстанның Қызыл кітабына енгізілген өсмідік түрлері: дәрмене, Шренк қызғалдағы, Борщов қызғалдағы. Қорғауға алынған түрлер: тамыржусан, қаратау жуасы, жантақ, кеурексасыр, кәдімгі адыраспан, қияқ, жуашықты қоңырбас, арпаған, мортық, жапырақсыз қоға, теріскен, қызыл жыңғыл, тікенекті жыңғыл, гүлкекіре, көбенқұйрық, татар катраны, тауарпа.
Фаунасы[өңдеу | қайнарын өңдеу]
Қазақстанның Қызыл кітабына құстардың 8 түрі енгізілген: дала қыраны, қарақұс, ителгі, қылқұйрық бұлдырық, бүркіт, қарабауыр бұлдырық, дуадақ, үкі. Қорықша фаунасының 16 түрі қорғауға алынған: дала тасбақасы, түрлі түсті кесіртке, тақыр кесірткесі, су жылан, өрнекті жылан, кәдімгі қалқантұмсық жылан, оқжылан, кәдімгі тентекқұс, үлкен тағанақ, боз сандуғаш, кіші міңгірлек, сарғалдақ сұлыкеш, зорман, кіші сарышұнақ, үлкен қосаяқ, кіші қосаяқ. Халықаралық табиғатты және табиғи ресурстарды қорғау одағының тізіміне 5 фауна түрі енгізілген: қарақұс, дала қыраны, дуадақ, ителгі, дала тасбақасы.[1]
Дереккөздер[өңдеу | қайнарын өңдеу]
- ↑ Сайт "Особо охраняемые природные территории Республики Казахстан" https://oopt.kz/