Замин

Замин (өзб. Zomin/Зомин) — қала типтес елді мекен, Өзбекстанның Жызақ облысы Замин ауданының орталығы. Халқы: 16 900 адам (2000).

Замин ауылы Даштабат теміржол стансасының оңтүстігінде орналасқан. Ауылға кірер алдында тамшылатып суарылатын бақтар үлкен аумақты алып жатыр. Елді мекеннің орталығында көптеген сауда мекемелері шоғырланған. Замин әртүрлі бағыттарға бөлінетін автомобиль желілері қиылысатын көлік торабы. «Замин» сөзі парсы тілінен аударғанда «жер» дегенді білдіреді. Кейбір зерттеушілер бұл ауыл атауының бастауы деп есептейді, кейбірі зерттеушілер ортағасырлық кезеңде діни орталық болған деп сенеді.

Заминде аудандық құрылыс бөлімі, жергілікті өнеркәсіп және ұлттық өнімдер шығаратын кәсіпорындар, сауда және тұрмыстық қызмет көрсету пункттері, жол құрылыс-жөндеу бөлімі, мәдениет үйі, байланыс бөлімі, жалпы білім беретін мектептер, кітапханалар, аудандық орталық аурухана, санитарлық-эпидемиологиялық станса, жеке дәріханалар бар.