Зейнолла Қалидоллаұлы Кәкімжанов

Кәкімжанов Зейнолла Қалидоллаұлы (15 тамыз 1959, Шар) — «Инвестициялық компания: Қазақстанның инвестициялық қоры» АҚ Басқарма төрағасы.

Өмірбаяны

1959 жылы 15 тамызда Семей облысы Шар қаласы туған. 1985 ж. М.В. Ломоносов атындағы ММУ-ді бітірген, экономист-кибернетик. Экономика ғылымдарының кандидаты (1990). «Еуразия» ХЭА академигі (1997).

• 1976 ж. - Семей азаматтық құрылымдар дистанциясында ағаш шебері-станокшы.
• 1977ж. - Кеңес Армиясының қатарында азаматтық борышын өтеген.
• 1979-1980 жж. - М.В. Ломоносов атындағы ММУ дайындық бөлімінің тыңдаушысы.
• 1985-1987 жж. - ҚазКСР Мем. жоспар жанындағы ҒЗЭИ экономисі, кіші ғылыми қызметкері.
• 1987-1991 жж. - КСРО ҒА Экономика және ғылыми-техникалық прогресті болжау институтының аспиранты.
• 1991 ж. - ҚазКСР Мемлекеттік жоспар жанындағы ҒЗЭИ аға ғылыми қызметкері.
• 1991-1992 жж. - ҚазКСР Мәдени, әлеуметтік және ғылыми-техникалық даму қоры ғылыми-консультативтік орталығының кеңесшісі.
• 1992-1993 жж. - «Қазақстан» республикалық құрылыс биржасы» АҚ вице-президенті, «КИНКО» компаниясының бас директоры.
• 1993-1994 жж. - Қазақстан банкаралық валюталық биржаның бас директоры, «Жана ұрпақ» ИЖҚ басқарушысы.
• 1994-1997 жж. - «Қазақстанның акционерлік халықтық жинақ банкі» АОЗТ Басқарма төрағасының міндетін атқарушы, төрағасы.
• 1997 ж. - ҚР Президентінің көмекшісі - ҚР Президенті жанындағы Жоғары экономикалық кеңес төрағасының орынбасары.
• 1997-1998 жж. - ҚР Президентінің көмекшісі - Орнықты даму жөніндегі ұлттық кеңес төрағасының орынбасары.
• 1998-1999 жж. - «НСБК-групп» ұлттық инвестициялық қаржы акционерлік компаниясы» ЖАҚ төрағасы.
• 1999-2002 жж. - ҚР мемлекеттік кіріс министрі.
• 2002 ж. - ҚР МКМ Кеден комитетінің төрағасы міндетін атқарушы.
• 2002-2003 жж. - ҚР қаржы министрі.
• 2003 жылдан - «Инвестициялық компания: Қазақстанның инвестициялық қоры» АҚ Басқарма төрағасы.