Зениттік ракеталық әскер

Уикипедия — ашық энциклопедиясынан алынған мәлімет
Навигацияға өту Іздеуге өту

Зениттік ракеталық әскер - елдің әуе шекарасын рұқсатсыз бұзған әуе нысаналарын дер кезінде байқауға және жойып жіберуге арналған әскери құрал-жабдықтар. Оған зениттік басқарылатын ракеталар (ЗБР), ракета ұшыруға арналған ұшыру қондырғылары, ракетаның ұшуын басқаруға арналған қондырғылар мен радиотехникалық қондырғылар, қосымша құрылғылар мен тексеру құрал-жабдықтары жатады. Зениттік басқарылатын ракеталар (ЗБР) – “Жер – Әуе” класына жататын, әуе шабуылына қарсы қорғанысқа арналған ракета. Ол қарапайым зарядпен де, ракеталық зарядпен де зарядтала береді. Оны қондырғыдан жібергеннен кейінгі басқару жерден (кемеден) арнайы радиотехникалық құралдар көмегімен іске асырылады, кейде өздігінен бағытталу арқылы ұшады. Бұл ракеталар шапшаң, барынша дәл көзделеді және дыбыстан ұшқыр жылдамдықпен ұшып келе жатқан нысаналарды талқандай алады. Әуедегі топтық нысаналарды жою үшін әуеде бөлшектелетін ракеталар кешені қолданылады. ЗБР-дың шекті ұшу қашықтығы – 30 км, старттық салмағы 8 кг – 15,2 т., шекті ұшу жылдамдығы 1700 м/с және онан жоғары. ЗБР нысанаға жердегі (кемедегі) телебасқарудың автоматтық жүйесімен бағытталады немесе ұшу кезінде нысанаға өздігінен бағытталады.[1]

Дереккөздер[өңдеу | қайнарын өңдеу]

  1. "Қазақ Энциклопедиясы",4 том 3 бөлім