Китийлік Зенон

Уикипедия — ашық энциклопедиясынан алынған мәлімет
(Зенон Китиондық бетінен бағытталды)
Навигацияға өту Іздеуге өту
A.
Зенон китиондық.

Китийлік Зенон (333-262 б.э.д) - ежелгі-грек философы, стоицизм негізін қалаушы.[1] Зенон, китийлік (б.з.б. 336 – 264 ж.ш., Кипр аралы) – ежелгі грек философы, стоялықтар мектебінің негізін қалаушы. Кратестен, Мегар мектебінің өкілі Стилпоннан, сондай-ақ, Платон академиясындағы философтардан оқыған. Б.з.б. 308 ж. Афинада өзінің мектебін ашады.

Бізге Зенон шығармаларының тек үзінділері ғана жеткен. Ол адамның жеке басының іштей тәуелсіз болуын ғылыми тұрғыдан негіздемекші болды. Зенон этиканы физика, яғни табиғат жөніндегі ілім негізінде құрды.

Гераклит секілді ол да дүниенің негізі от деп, оны құдіретті логоспен барабар деп санады. Дүниені қажеттілік немесе фатум билейді, бірақ дүниенің өзі құдіреттің лебі таралған тұтас тіршілік деп ұйғарды. Адам мінез-құлқында адамның жеке қимыл-әрекетін анықтайтын әуестену, жан қимылы бірінші болып саналады. Зенон қоғам жайындағы ілімінде дүниежүзілік мемлекеттің қалыптасуын бейнелейтін космополиттік көзқарасты дамытты.[2]

Дереккөздер[өңдеу | қайнарын өңдеу]

  1. Орысша-қазақша түсіндірме сөздік: Философия/жалпы редакциясын басқарған э.ғ.д., профессор Е. Арын – Павлодар: «ЭКО» ҒӨФ, 2006. ISBN 9965-808-82-1
  2. "Қазақ Энциклопедиясы",4 том 3 бөлім