Зигмунд фон Герберштейн

Уикипедия — ашық энциклопедиясынан алынған мәлімет
Jump to navigation Jump to search
Ресейдегі елшілік кезінде марапатталған киімі


Дүниеге келгені: 23.08.1486
Қайтыс болғаны: 28.03.1566
Мансабы: Неміс дипломаты

Зигмунд Фон Герберштейн (23.08.1486 жыл, Словения–28.03.1566 жыл, Вена) – неміс дипломаты, саяхатшы,

Герберштейн бұл сапарлары туралы жазған «Мәскеу істері жөніндегі күнделігінде» (Вена, 1549 ж.) Қасым хан тұсындағы Қазақ хандығы жөнінде алғаш рет Еуропаға мәлімет береді, Көшім хандығына, Ноғай ордасына қатысты маңызды мәліметтер келтіреді. «Күнделікте» автор Еділ бойы, Сібір мен Орталық Азия тұрғындарын «татарлар» деп атағанымен, олар «өздерінің тұрмыс-салты жөнінен бір-бірінен ерекшеленеді» деп көрсетті. Олар үйірлеп жылқы ұстайды, ет-сүтпен қоректенеді, тамаққа тұзды аз, ал дәрілік шөптерді көп пайдаланады дей келіп, әр түрлі «татар ордаларының» қоныстары, тұрмысы мен діні, әдет-ғұрыптары, қару-жарағы, соғысты жүргізу әдістері туралы нақтылы баяндаған. Қазақтардың астрономиялық түсініктері жөнінде айта келіп, олардың түнгі сапарлары мен жорықтарында Темірқазық жұлдызының орны ерекше екендігін атап өткен. Жайық бойындағы Сарайшық қаласының «татарлардың бай да үлкен сауда орталығы» екендігін жазады. Герберштейн еңбегінде қисынсыз, ойдан шығарылған әңгімелер де ұшырасқанымен, еуропалықтардың шығыс елдері туралы түсінігін кеңейтуге ықпал етті.[1]

Дереккөздер[өңдеу]

  1. Қазақ Энциклопедиясы