Зинеден ауылдық округі

Уикипедия — ашық энциклопедиясынан алынған мәлімет
Навигацияға өту Іздеуге өту
Қазақстан ауылдық округі
Зинеден ауылдық округі
Облысы

Атырау облысы

Ауданы

Исатай ауданы

Округ орталығы

Зинеден

Енеді

2 ауыл

Тұрғыны (2021)

1278

Жер аумағы

1635,96[1] км²

Әкімі

Ерлан Ескиндерұлы Махсотов

Округ әкімдігінің мекенжайы

Зинеден ауылы, Қуанышбаев көшесі, №8

Уақыт белдеуі

UTC+5:00

Автомобиль коды

06

Зинеден ауылдық округіАтырау облысы Исатай ауданындағы әкімшілік бірлік. 2019 жылға дейін Забурын ауылдық округі деп аталған.[2]

Әкімшілік құрамы[өңдеу | қайнарын өңдеу]

Құрамына Зинеден (Забурын), Амангелді ауылдары кіреді. Орталығы – Зинеден ауылы[3].

Халқы[өңдеу | қайнарын өңдеу]

2021 жылғы санақ қорытындысы бойынша 1278 адамды (657 ер адам және 621 әйел адам) құрады.[4]

Елді мекен Халқы,
адам (1989)
Халқы,
адам (1999)
Халқы,
адам (2009)
Халқы,
адам (2021)
Зинеден 525 897 1104 1242
Амангелді 150 195 145 36

Сипаттамасы[өңдеу | қайнарын өңдеу]

Зинеден ауылдық округі аумағы оңтүстік жағында Каспий теңізімен, шығысында Нарын ауылдық округімен, батысында Исатай ауылдық округімен және Құрманғазы ауданымен шектеседі. Зинеден ауылдық округінің жер аумағы 22 334 га., округ аумағынан «Кобяково-Забурын» каналы өтеді.

Тарихы[өңдеу | қайнарын өңдеу]

Іргетасы 1930 жылдардың басында құрылған Забұрын ауылдық кеңесінен бастау алады. Мақаш Бекмұхамедов басқарған Теңіз жағалау округі 1886 ж. екіге бөлінген кезде, I Теңіз жағалауы округі орталығы қазіргі осы селолық округке қарайтын Кемел деген жерге орналастырылып, округке 16 болыстық ел бағындырылған. Алғашқы әкімі Уалитхан Танашев, кейін 6 ай уақытша Әтембек Сауғабайұлы, 8 жыл Молдағали Шынтаев, 2 жыл Әжіғали Шынтаев қызмет жасады. 1896-1907 жж. әкім болған Аманғали Жоламанов Қызылбастан батаға салам деп несие қарыз алып, кейін оны өтей алмай, үй-мүлкі тәркіленіп, сотталып кетті. 1908 ж. әкімдікке Ордадан Мұқанәлі Шынтеміров жіберіліп, небары 8 ай қызмет жасады. Бұл округті Қайырлы Құрманбаев 12 жыл үздіксіз басқарып, халық қошаметін иеленді. 1916 ж. маусымда патшаның майданға жұмысқа қазақ жігіттерін алу жөніндегі жарлығына қарсы Өтепқали Дінбаянұлы бастаған көтеріліс осы округтің Саға, Ақай деген жерлерінде ұйымдастырылды. Бүгінде осы тарихи орындарда ескерткіш белгілер орнатылған. 2019 жылы Зинеден ауылдық округі болып өзгертілді.

Әлеуметтік нысандары[өңдеу | қайнарын өңдеу]

Округ орталығында 320 орындық типтік жобадағы орта мектеп, дәрігерлік амбулатория, балабақша, клуб үйі, 2 кітапхана, бір телетаратылым, «Қазақтелеком» АҚ бөлімшесі, «Қазпошта» АҚ бөлімшесі халыққа қызмет жасауда. Округ көлемінде «Жайықмұнайгаз» мұнай-газ өндіру басқармасының №4 цехы, «Светланд-Ойл» ЖШС-і және «Төбе-Арал» ЖШС-терінің май құю пункттері, «Жамбыл» өндіріс кооперативінің балық қабылдау және оны өңдеу цехы жұмыс жасауда (2018).[5] 2014 ж. желтоқсан айында ауыл тұрғындары түгелдей «Ақбұлақ» бағдарламасымен толықтай ауызсуға қосылды.

Шаруа қожалықтары мен кәсіпкерлік[өңдеу | қайнарын өңдеу]

Округте 6 шаруа қожалығы тіркеліп, мал шаруашылығын өркендету жұмыстары қарқынды дамып келеді. 6 дүкен, 4 кафе, бір АЗС, бір ТЖО, тойхана, т.б. жұмыс жасайды

Селолық кеңес төрағалары, округ әкімдері[өңдеу | қайнарын өңдеу]

  • Болат Ахметұлы Кұсайынов;
  • Аслан Жарылғасұлы Ғұбашев.

Зинеден ауылдық округінің жер-су атаулары[өңдеу | қайнарын өңдеу]

  • Ақай — көне қоныс орны. XIX ғасырдың басында Каспий теңізі жағасында он шақты үй балықшы отбасы отырған, Забурын ауылдық округінің аумағына кіреді. 1916 жылы патша үкіметіне қарсы ереуіл болған жер.
  • Қарабөлек ауылы — Забұрын ауылдық округіне карайтын теңізге жақын орналасқан жер атауы.

Дереккөздер[өңдеу | қайнарын өңдеу]