Злиман Өрбісінқызы Жантекеева

Уикипедия — ашық энциклопедиясынан алынған мәлімет
Jump to navigation Jump to search

Злиман Өрбісінқызы Жантекеева (18. 3.1932 жылы туған, Батыс Қазақстан облысы, Қаратөбе ауданы) — тіл білімі маманы, филология ғылыми кандидаты (1970). Қазақ мемлекеттік қыздар педагогика институтын бітірген (1953). 1953-1956 жылдары ҚР ҰҒА Тіл мен әдебиет институтының аспирантурасында оқыды. 1956—1961 жылдары интститутың шығыстану секторында ғылыми қызметкер. 1961 жылдан бастап осы уақытқа дейін Әл-Фараби атындағы ҚазМҰУ-дың педагогика кафедрасында доцент болып қызмет істеп келеді. ҚР ҰҒА акад. С. Қирабаевтың жетекшілігімен "Ілияс Жансүгіров пен Сәкен Сейфуллин поэзиясын орыс тіліне аудару проблемалары" деген тақырыпта кандидаттық диссертацияны қорғады. Аудармаға, педагогикаға байланысты қырықтан астам мақалалары, брошюралар және бірігіп жазған оқулықтары мен жинақтары жарық көрді. ҚазКСР халық ағарту ісінің озық қызметкері, еңбек ардагері.[1]

Дереккөздер[өңдеу]

  1. Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3