Знамя Труда

Уикипедия — ашық энциклопедиясынан алынған мәлімет
Jump to navigation Jump to search

Знамя труда – облыстық газет. 1919 жылы тамыздан Әулие Ата уезі РКП(б)к-тінің органы ретінде 1919 жылы тамыздан «Аулие-Атинский вестник» деген атпен жарық көрді. 1921 жылы қыркүйектен «Беднота», 1921 жылы қаңтардан «Профессиональный вестник», осы жылғы тамыздан «Дехканин», 1922 жылы қаңтардан «Радиограммы РОСТА», осы жылғы мамырдан «Вольная беднота», 1930 жылы 21 қарашадан «За пятилетку», 1933 жылы 1 желтоқсаннан «Сталинский путь» деп аталды. 1939 жылы қарашада Жамбыл облысы құрылған соң облыстық газет «Коммунист», ал 1963 жылы 1 мамырдан «Знамя труда деген атпен жарық көрді. Газет жарық көргеннен бергі уақытта оның бас редакторлары А.В. Алматинская, В.М. Молотов, С.И. Паршенков, Ф.М. Рябов, Л.Ф. Негрышев, Н.А. Токарев, М.И. Сергейчик, Б.Момынқұлов, И.А. Маликова болды. Газеттің қазіргі редакторы – В.И. Козыренко Знамя труда газеті тиражы – 10690-қа жетіп (2002 ж.), жергілікті билік орындарының қызметі мен облыс өмірін насихаттауда маңызды ақпарат құралына айналды. 1999 жылы тамызда газеттің 80 жылдық мерейтойы аталып өтілді.[1]

Дереккөздер[өңдеу]

  1. Қазақ Энциклопедиясы,4 том 3 бөлім