Зұлқарнай Алдамжаров

Зұлқарнай Алдамжаров (5 желтоқсан 1937 жыл, Атырау облысы, Махамбет ауданы, Сарайшық ауылы – 8 қараша 2005 жыл, Қостанай) — қазақстандық ғалым, тарих ғылымының докторы (1986).

ҚазМУ-ды (1962, қазіргі ҚазҰУ) бітірген. 1973–1976 ж. Атырау облысы кәсіптік-техника білім беру басқармасының аға әдіскері, 1977–1980 жылдары Қазақстан КП Атырау облысының комитеті жанындағы марксизм-ленинизм университетінің директоры, 1962–1967 және 1971–1972 жылдары Атырау облысының педагогика институтының оқытушысы, кафедра меңгерушісі, факультет деканы, 1980 жылдан осы институттың проректоры, 1989 жылдан Қостанай университетінің ректоры болды. Ғылыми жұмысының негізгі бағыты — Қазақстанды кеңестендіру тарихнамасы. Алдамжаров 5 монографияның, 300-ден астам ғылыми еңбектің авторы. Парасат орденімен марапатталған.