Зәкір Асабаев

Уикипедия — ашық энциклопедиясынан алынған мәлімет
Навигацияға өту Іздеуге өту

Зәкір Асабаев - 1937 жылы 21 қаңтарда Түркістан облысы, Келес ауданы, сол кездегі "1 май" ұжымшарында дүниеге келген. 1957 жылы Ташкенттің Низами атындағы педагогика институтының қазақ тілі мен әдебиеті факультетін үздік дипломмен бітіріп, Ташкент облысы, Пскент ауданы, "Ленинизм" орта мектебінде орыс тілі мен әдебиетінен сабақ берген. 1958 жылы шілде айының басында Алматыға келіп, "Лениншіл жас"( қазіргі Жас Алаш) газетіне әдеби қызметкер болып орналасқан. Фельетон, мақала, очерк, сықақ, өлең, әңгімелері жиі жарық көре бастаған. 1959 жылдың соңынан Сарыағаш адандық газетінде қызмет істеген. 1964 жылы сәуірде Алматыға оралып, "Мәдениет және Тұрмыс" (қазіргі Парасат) журналына әуелі әдеби қызметкер, одан соң бөлім меңгерушісі болған. 1973 жылдан жауапты хатшы, Бас редактордың орынбасарлығына тағайындалып, бұл міндетті 1997 жылдың соңына зейнетке шыққанға дейін атқарған. Одан бері де аталған журналда қызмет істеп, редколлегия мүшесі болған.

Шығармалары[өңдеу | қайнарын өңдеу]

1967 жылы "Ар соты" атты әңгімелер жинағы шыққан ("Жазушы баспасы"). Онан кейін "Жалын" баспасынан "Жарастың ұлдары", "Мүбәрханум" атты повестер мен әңгімелер жинағы, "Шаңсорғыш аю емес", "Жалғыз көзді балық" ("Жазушы") атты сатиралық әңгімелер жинағы жарық көрген. "Қатерлі найза", "Борджионың жүзігі" романдарын қазақшаға аударған.

Жетістіктері[өңдеу | қайнарын өңдеу]

"Ерен еңбегі үшін" медалімен марапатталған. ҚР-ның еңбек сіңірген мәдениет қызметкері.