Ибн Хайян аль-Куртуби

Уикипедия — ашық энциклопедиясынан алынған мәлімет
Jump to navigation Jump to search
Жабир ибн Хайянмен шатастырмау керек.

Әбу Меруан Хайян ибн Халаф ибн Хасан әл-Куртуби (987 ж.ш., Мұсылмандық Испания, Кордова қалалары - 1076 ж.ш.) — испан-араб ақыны, тарихшы.

Ибн Хайян аль-Куртуби әмірші әл-Мансурдың хатшысының баласы. Жасырақ кезінде Кордова күзетшілерінің бастығы қызметін атқарды. Поэзиялық шығармалармен бірге дін ғылымына түсінік беретін тарихи еңбектерді мол жазды. Ибн Хайян өзінен бұрынғы және өз дәуіріндегі тарихи жазбаларды кең пайдаланған.

Еңбектері[өңдеу]

  • «Андалусия кірмелерінің тарихы» — 10 томға жуық еңбек. Соның 3 томы ғана біздің дәуірге жетті. Мұнда Омейя әулеті билеушігінен үш халифаттың тарихы баяндалады. Оның бір томы әмірші Абдаллахтың билік құруына арналған еңбек.
  • «Түсіндірмеде» — Ибн Хайянның 20 томнан тұратын үлкен шығармасы.
  • «Басты кітап» — жасы әбден ұлғайған кезінде жазылды. Бұған 9 ғасырда Омейя әулеті мен көптеген әміршілер билігінің тарихы негіз болды.

Ибн Хайян аль-Куртубидің поэзиясы – негізінен тарихи оқиғаларға арналған одалық шығармалар.[1]

Дереккөздер[өңдеу]

  1. “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998, 4 том