Ибрагим Әбибуллаев

Ибрагим Әбибуллаев
Туған күні	1 маусым 1947 жыл
Туған жері	Сырдария ауданы, Қоғалыкөл ауылы
Қызметі	Қазақстанның қоғам қайраткері

Ибрагим Әбибуллаев (1 маусым 1947, Сырдария ауданы, Қоғалыкөл ауылы) — Қазақстанның қоғам қайраткері.

Қазақ ауыл шаруашылығы институтын (1970, қазіргі Қазақ ұлттық аграрлық университет) және Қазақстан менеджмент, экономика және болжам институтын (1992) бітірген.

Еңбек жолын Сырдария ауданындағы кеңшарда механик, машина-трактор станциясының меңгерушісі, инженер қызметтерінен бастаған (1970–1975).

1975–1981 жылдары аудандық халықтық бақылау органдарында және партия комитеттерінде нұсқаушы, ауыл шаруашылығы бөлімінің меңгерушісі болды.

1981–1991 жылдары кеңшар директоры, аудандық агроөнеркәсіп бірлестігінің басшысы, аудандық комитеттің төрағасы қызметтерін атқарды.

1991–1994 жылдары Жаңақорған ауданы партия комитетінің бірінші хатшысы, аудандық кеңес төрағасы – әкімшілік басшысы, аудан әкімі болды.

1994–1996 жылдары Шиелі ауданының әкімі қызметін атқарды.

1996–2004 жылдары облыстық орман, аң және балық шаруашылығы аумақтық басқармасының басшысы болды.

2004–2008 жылдары Сырдария ауданының әкімі қызметін атқарды.

2008–2011 жылдары облыстық табиғи ресурстар және табиғатты пайдалануды реттеу басқармасының басшысы қызметін атқарған.

Кейін «Қызылорда» әлеуметтік-кәсіпкерлік корпорациясы төрағасының орынбасары, Қызылорда облысы әкімінің кеңесшісі болды.

Ибрагим Әбибуллаев «Құрмет белгісі», «Құрмет» ордендерімен және бірнеше медальмен марапатталған. Ол Қызылорда облысының (2024), Қызылорда қаласының, Жаңақорған, Шиелі және Сырдария аудандарының, сондай-ақ АҚШ-тың Туссон қаласының құрметті азаматы.