Иван Александрович Кузовков

Уикипедия — ашық энциклопедиясынан алынған мәлімет
Jump to navigation Jump to search

Иван Александрович Кузовков(6.6.1903, Ресей, Воронеж облысы,Борисоглебск қаласы - өлген жылы белгісіз) - 2-дүниежүзілік соғысқа қатысушы, генерал-майор. Кеңес әскері қатарына 1941 жылы Алматы қаласы әскери комиссариатынан шақырылып, Орталық майдан 65-армия 69-атқыштар дивизиясы құрамында Ұлы Отан соғысына қатысты. 1943 жылы 15 қазанда Днепр өзенінен (Беларусь, Гомель ауданы,Лоев ауданы Щитцы және Сенская деревняларының маңы) өтудегі тарихи шайқаста Кузовковтың дивизиясы маңызды биіктіктер мен тірек пункттерін басып алды. Осы шайқастарда көрсеткен ерлігі үшін Кузовковқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (30.10.1943). Әскери академияны (1947) бітіргеннен кейін КСРО Қорғаныс минстлігінде жауапты қызметтер атқарған. 1969 жылы запасқа шықты. Севск қаласының (Ресей, Брянск облысы) құрметті азаматы атағын алған. 2 Ленин, Қазан революциясы, 3 Қызыл Ту, 2-дәрежелі Суворов 2 рет 1-дәрежелі Отан соғысы ордендерімен, шетелдік медальдармен марапатталған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х