Иван Александрович Чикноверов

Иван Александрович Чикноверов(1.5.1911жылы туған,Ашғабад қаласы) -кино-режиссер, оператор, Қазақстанның еңбегі сіңген өнер қайраткері (1961). Кинодағы қызметін 1927 жылы Ашғабад киностудиясынан бастаған. 2-дүниежүзілік соғысы жылдары әскери оператор болды. Ол түсірген соғыс эпизодтары 2-дүниежүзілік соғысы жайындағы деректі фильмдерге және киножылнамаларға енді. 1947 жылдан "Қазақфильм" студиясында кинооператор болып, "Күнделікті хабарлар" мен "Кеңестік Қазақстан" киножурналына арнап сюжеттер, сондай-ақ көптеген деректі ленталар, оның ішінде елеулі "Біздің қалада" атты фильмді (1954) түсірді. 1957 жылдан деректі және ғыл.-көпшілік фильмдерінің режиссері. "Қалааты - Рудный" (1959), "Біздің Қазақстан" (1964), "Тағы да мал азығы туралы" (1982), т.б. фильмдерді койды. 1999 жылы Ресейдің Вязьма қаласына қоныс аударды. 2-дәрежелі Отан соғысы және Қызыл Жұлдыз орденімен, медальдармен марапатталған.