Игорь Владимирович Поляков

ПОЛЯКОВ Игорь Владимирович - 1952 жылы 18 қазанда Алматы қаласында туған. Орыс. Әкесі - Поляков Владимир Федорович, «Қазақфильм» киностудиясының дыбыс режиссері болған. Анасы - Полякова Таисия Павловна, ҚазКСР ҒА Геология институты рентгенқұрылымдық сараптама зертханасының меңгерушісі болған. Абай атындағы қазақ педагогикалық көркемдік-графика факультетін бітірген (1974), бейнелеу өнері және сызу пәндерінің мұғалімі. Қоғамдық және жеке тұрғын үй ғимараттарының фасады мен интерьерлерінің, сондай-ақ көптеген жекелеген ғимараттар, коттедждер, кеңселер, кафелер мен дүкендер; Париж, Лион, Канн, Бағдат, Дели, Триполи, Загреб, Брно қалаларындағы Қазақстан сауда-өнеркәсіптік палатасы бөлімі жобаларының авторы, Қазақстан медицина тарихы мұражайы, Кітап мұражайы, Қаскелең қ. тарихи-өлкетану мұражайы, Түркістан қ. 1500-жылдығына арналған тарихи- өлкетану мұражайы жобаларының авторы. 400-ден астам тауар белгісін жасап шыққан. Тауар белгілері мен өнеркәсіптік нобайлар бойынша зияткерлік меншік жөніндегі агенттіктің сарапшысы. Көптеген республикалық және халықаралық деңгейдегі қоғамдық-саяси іс-шаралар эмблөматикасының авторы. «Ақтөберентген» зауытына арналған бағдарламасында жаңа рентген жабдығының дизайнын жасаған. ҚР мемлекеттік стилі концепциясын жасаушылардың бірі; Алматы қаласының сәулет-көркемдік келбетін өзгерту бойынша дизайн-бағдарламасын жасаушылардың бірі. Мәскеу қаласындағы Абай ескерткішінің, Апматы қаласы «Желтоксан, 1986. Азаттық таңы» заттықкеңістіктік композициясының бас дизайнері. 32 графика және плакат шығармашылық, оның ішінде 6 халықаралық көрменің қатысушысы. Орыс, қазақжәне ағылшын тілдерін біледі. 1976 жылдан - №9 Мемлекеттік жобалау институтының техникалық бөлімінің бастығы. 1977 жылдан - Қазақстан тәжірибелік-әдістемелік экспедициясы партиясының аға технигі. 1978 жылдан - «Өнер» бейнелеу өнері комбинатының суретші-безөндірушісі. 1982 жылдан - Абай атындағы мемлекеттік академиялық опера және балет театрының бутафор-декораторы. 1983 жылдан - Қазақ- стан сауда-өнеркәсіптік палатасының суретшісі. 1995 жылдан - «ЭЛКО» АҚ дизайн бөлімінің бастығы. 2000 жылдан - «ArtSagan» ӨК директоры. 2002 жылдан - «Шығармашылық-өндірістік «ДИАР» фирмасының дизайнері. 2005 жылдан бері - «ДАРТ» ЖШС автоматтандырылған жобалау бөлімінің бастығы. ҚР Дизайнерлер одағының вице-президенті. Брно қ. «Биеннале» плакат конкурсының лауреаты (Чехословакия, 1986). Лахта қ. плакат конкурсының дипломанты (Финляндия, 1988). Варшава қ. плакат конкурсыныңарнайы сыйлығының иегері (Польша, 1984). «Ерен еңбегі үшін» медалімен (2008), Загреб (Хорватия, 1985), Дели (Үндістан, 1987), Триполи (Ливия, 1990) қалаларында көрме-жәрмеңке ұйымдастырғаны, өткізгені үшін құрмет грамоталарымен марапатталған. Қазақстанның Құрметті сәулетшісі (2009). Әскери атағы - запастағы аға сержант. Саяси қайраткер ретіндегі идеалы - М. Ганди. Қазақстанның болашағы туралы болжамы - «Заманға сай, өндірісі дамыған ел». Хоббиі - шығыс жекпе-жегі. Сүйіп оқитын әдебиеті - классикалық қытай поэзиясы. Үйленген. Жұбайы - Гордеева Светлана Николаевна (1965 ж. т.), «Дарт» ЖШС маркетологы. ¥лы - Поляков Игорь Игоревич (1987 ж. т.).