Игорь Иванович Рогов

Игорь Иванович Рогов
Лауазымы
Ту Конституциялық Кеңестің 3-ші төрағасы Ту
15 маусым 2004 — 11 желтоқсан 2017
Президент	Нұрсұлтан Назарбаев
Ізашары	Юрий Хитрин
Ізбасары	Қайрат Мәми
Ту Президент Әкімшілігі Басшысының орынбасары Ту
31 наурыз 2002 — 15 маусым 2004
Президент	Нұрсұлтан Назарбаев
Ізашары	Бауыржан Мұхаметжанов
Ізбасары	Бауыржан Мұхаметжанов
Ту Әділет министрі Ту
13 қыркүйек 2000 — 29 қаңтар 2002
Президент	Нұрсұлтан Назарбаев
Премьер-Министр	Қасым-Жомарт Тоқаев
Ізашары	Бауыржан Мұхаметжанов
Ізбасары	Георгий Ким
Ту Конституциялық Сот төрағасының орынбасары Ту
2 шілде 1992 — қыркүйек 1995
Президент	Нұрсұлтан Назарбаев
Ізашары	лауазым енгізілді
Ізбасары	лауазым жойылды
Өмірбаяны
Білімі	С.М.Киров атындағы Қазақ мемлекеттік университеті (1973)
Ғылыми дәрежесі	заң ғылымдарының докторы
Мамандығы	құқықтанушы
Дүниеге келуі	17 мамыр 1950 (1950-05-17) (75 жас) Баку, Әзірбайжан КСР, КСРО
Жұбайы	Рогова Валентина Георгиевна (1950 туған)
Балалары	Денис (1974), Светлана (1982)
Марапаттары	Достық ордені

Игорь Иванович Рогов (17 мамыр 1950 жыл, Баку) — белгілі қазақстандық заңгер, мемлекет қайраткері, заң ғылымдарының докторы. 2021 жылдан бастап Адам құқықтары жөніндегі комиссияның төрағасы. Конституциялық Кеңестің бұрынғы Төрағасы (2004—2017).

Қысқаша өмірбаяны

1950 ж. мамырдың 17-інде Әзірбайжанның Баку қаласында туған. Ұлты — орыс.

Әкесі – Рогов Иван Григорьевич, қайтыс болған, әскери қызметкер, инженер-геолог болған. Анасы – Тагильцева Валентина Степановна, қайтыс болған, мұғалім болып жұмыс істеген.

С.М.Киров атындағы Қазақ мемлекеттік университетінің заң факультетін бітірген (1973), құқықтанушы.

Заң ғылымдарының докторы.

Докторлық диссертациясының тақырыбы: «Экономикалық қылмыспен күрестің мәселелер (қылмыстық-құқықтық және криминологиялық зерттеу)» (1991). Профессор (1994). ҚР-ның Әлеуметтік ғылымдар академиясының академигі (2001).

Қазақ және неміс (ауызекі тіл) тілдерін біледі.

1967–1968 жылдары – Алматы ағаш өңдеу комбинатының станокшысы.

1973 жылдан – Алматы қаласы Әуезов аудандық ішкі істер бөлімінің тергеушісі.

1975 жылдан – С.М.Киров атындағы Қазақ мемлекеттік университеті заң факультетінің ассисенті, аға оқытушысы, деканының орынбасары, доценті.

1990 жылдан – ҚР Президенті Кеңсесі мен Министрлер Кабинеті мемлекеттік-құқықтық бөлімінің консультанты, аға референті, құқық қорғау органдары секторының меңгерушісі.

1992 жылдан – ҚР Конституциялық соты төрағасының орынбасары.

1995 жылдан – ҚР Президентінің көмекшісі.

1997 жылдан – ҚР Президентінің Кеңесшісі.

2000 жылдан – ҚР Әділет министрі.

2002 жылдан – ҚР Президенті Әкімшілігі жетекшісінің орынбасары – ҚР Мемлекеттік-құқықтық Басқармасының бастығы.

2004 ж. маусымның 15-інде Қазақстан Республикасы Президентінің Жарлығымен Қазақстан Республикасы Конституциялық Кеңесінің Төрағасы болып тағайындалды. 2017 жылы 11 желтоқсанда лауазымынан босатылды.

2017 жылы 14 желтоқсанда ҚР Тұңғыш Президенті — Елбасы қоры атқарушы директорының орынбасары болып тағайындалды.

ҚР Президентiнiң жанындағы Адам құқықтары жөнiндегi комиссияның төрағасы (2021 жылдан бастап).

Қазақстан криминологиялық қауымдастығының президенті.

Үйленген. Әйелі – Рогова Валентина Георгиевна (1950 жылы туған), адвокат. Ұлы – Денис (1974 жылы туған), заңгер. Қызы – Светлана (1982 жылы туған), заңгер.

Ғылыми жұмыстары

«Шаруаға қырсыздық пен ысырапқорлыққа қарсы» (1987), «АӨК: тәртіп пен заңдылық» (тең авторы, 1989), «Экономика және қылмыстылық» (1991) кітаптарының, сондай-ақ конституциялық, қылмыстық құқықтың, процестің, криминологияның мәселелер арналған 90-нан астам ғылыми еңбектердің авторы. «Қазақстандағы экономикалық қылмыспен күрестің мәселелер» (1996), «Қазақстан Республикасының Қылмыстық құқығы» (1998), «Сыбайлас жемқорлықтың қарсы әрекетінің негіздері» (2004), «Қылмыс жасалуының себептері» (2004), «Қазақстанның Қылмыстық құқығы» – негізгі бөлімі (2003), «Қазақстанның Қылмыстық құқығы» – жалпы бөлімі (2005), «Қазақстандағы Конституциялық бақылау» (2005) және басқа кітаптардың тең авторы.

Марапаттары

• Қазақстан Республикасының еңбек сіңірген қайраткері.
• «Парасат» орденінің иегері,
• «Қазақстан Республикасының тәуелсiздiгiне 10 жыл»,
• «Тыңға 50 жыл»,
• «Астана» медальдарымен марапатталған.

Сыртқы сілтемелер

• ҚР Конституциялық Кеңесі Мұрағатталған 17 шілденің 2007 жылы.