Игорь Сергеевич Диченко
Игорь Сергеевич Диченко - украиндық коллекция жиюшы, өнертанушы, суретші. Украиндық авангардизмнің идеологтарының бірі.
Биография[өңдеу | қайнарын өңдеу]
Игорь Диченко 1946 жылы 19 желтоқсанда дүниеге келген.
1969 жылы Киев сурет институтын бітірген. Украина елінің өнер және әдебиет музейлерінің Орталық мемлекеттік архивінде жұмыс істеп, Киев хореографиялық мекемесінде өнер тарихынан сабақ берген. 1992 жылдан бастап, Киевтің тарих музейінің үлкен дәрежедегі ғылым жөніндегі қызметкері болған.
1970 жылдан бастап, көптеген көрмелер мен көркемдік акциялардың ұйымдастырушысы мен қатысушысы болған.
1992 жылы Халықаралыққайырымдылық қорының негізін қалаған.
Өнертанушы ретінде Георгий Нарбут, Константин Пискорский, Михаил Бойчук, Микола Глущенко сияқты суретшілердің өнерін зерттеген.
2015 жылдың 24 мамыр айында қайтыс болған.
Отбасы[өңдеу | қайнарын өңдеу]
Әйелі- Валерия Семеновна Вирская-Котляр (1930-2016) , украиндық балет әртісі, оқытушы, балетмейстер. Киев Ұлттық мәдениет және өнер университетінің мұғалімі.
Коллекция[өңдеу | қайнарын өңдеу]
2015 жылдың 15 қазанында Игорь Диченконың барлық коллекциясы Украина мемлекетіне сыйланған. Украина Президенті Петр Порошенко коллеция қабыл алып, Вирлік орденмен марапаттаған.
Диченконың орыс авангардизмдік жинақтарының жалпы саны 504 құрайды.