Играк

Уикипедия — ашық энциклопедиясынан алынған мәлімет
Jump to navigation Jump to search

Играк[1] – ежелгі түркі тайпасы.

Играк жөніндегі алғашқы жазба дерек 8 ғасырдың орта шенінен сақталған. Играк Алтай тайпаларымен көрші тұрып, көшпелі өмір кешкен. Играктар жөніндегі мағлұмат Махмұт ҚашқаридіңДиуани лұғат ат-түрк” (11 ғ.) деген еңбегінде де ұшырасады. Автор играктар Іле өз-нің жоғарғы және орта ағысында, Иагма мен Жарукамның аралығын жайлады, қыпшақтар, оғыздар, тухсил, жікіл және иагмалар сияқты түркі тілінде сөйледі дейді. Оның еңбегінде играктардың атынан баяндалатын бір халық жыры келтіріледі. 118 жолдық бұл жыр дастанда играктар қажырлы әрі жауынгер халық болды, негізінен, малшылықты кәсіп етті, садақпен қаруланды делінген. Жыр авторы играктардың жері өте бір бөлекше жер, қыс пен жаз бір-бірімен мәңгі араласып жатады деп сипаттайды. Осы айтылған жайларға қарағанда играктар тегінде Талқы шатқалы аймағын мекендеген.

Сілтемелер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том