Израиль Яковлевич Акушский

Акушский Израиль Яковлевич (30.7.1911, Украина, Днепропетровск — 2.4.1992, Мәскеу) — ғалым, техникалық ғылым докторы (1961 жылы), профессор (1966 жылы), Қазақстан Ғылым Академиясының корреспонденттік мүшесі (1970 жылы). Мәскеу мемлекеттік университетін бітірген (1932 жылы). 1953—56 жылдары Қазақстан Ғылым Академиясының Машина және есептеу математика лабораториясының меңгерушісі болды. Акушский есептеу математикасы мен техникасы саласында қалдықтар кластары жүйесіндегі жаңа бағыттың, есептеу процестерін ұйымдастыру мәселелерінің негізін салған. Сондай-ақ есептеу теориясын, бағдарламалау негіздерін, қолданбалы инженерлік шешімдер мәселесін зерттеген.